Ձեր վստահելի աղբյուրը

Ռուսաստանում Ուկրաինայի դեսպանատանը և քաղաքացիներին, ի տարբերություն Ուկրաինայում ռուս դիվանագետների, ոչինչ չի սպառնում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է «Ռիա Նովոստի»-ին։

Ավելի վաղ երկու երկրներն էլ հայտնել էին իրենց ներկայացուցչությունների տարհանման մասին։

«Ռուսաստանում Ուկրաինայի դեսպանատանը, ինչպես նաև Ռուսաստանի Դաշնության տարածքում ուկրաինացի դիվանագետներին և հյուպատոսական գրասնեյակներին, ոչինչ չի սպառնացել և չի սպառնում։ Բայց, հավանաբար, դա ուկրաինական կողմի որոշումն է, առավել ևս նրանք խոսում էին դիվանագիտական հարաբերությունների խզման մասին և այլն»,- ասել է Զախարովան։

Հիշեցնենք՝ Ռուսաստանի նախագահ Վլադիմիր Պուտինը հինգշաբթի հայտարարել է, որ ի պատասխան Դոնբասի հանրապետությունների ղեկավարների դիմումի, նա որոշում է կայացրել հատուկ ռազմական գործողություն անցկացնելու մասին: Ռուսաստանի նախագահն ընդգծել է, որ Մոսկվայի պլանների մեջ չի մտնում ուկրաինական տարածքների օկուպացիան:

ՌԴ պաշտպանության նախարարությունը հայտնել է, որ ռուս զինվորականները հարվածներ չեն հասցնում Ուկրաինայի քաղաքներին, բարձր ճշգրտության միջոցներով շարքից դուրս են գալիս ռազմական ենթակառուցվածքը: Գերատեսչությունից հավաստիացրել են, որ քաղաքացիական բնակչությանը ոչինչ չի սպառնում: