Ձեր վստահելի աղբյուրը

Ուկրաինայի նախագահ Վլադիմիր Զելենսկին ստում է, երբ հայտարարում է, թե պատրաստ է քննարկել երկրի չեզոք կարգավիճակը։ Այդ մասին ուրբաթ օրը մամուլի ասուլիսի ժամանակ հայտարարել է Ռուսաստանի արտգործնախարար Սերգեյ Լավրովը` փոխանցում է ՏԱՍՍ-ը։

«Հետևաբար, նա հիմա ձեզ ուղղակի սուտ է ասում, պարզ ասած՝ ստում է, երբ ասում է, որ պատրաստ է քննարկել չեզոք կարգավիճակը»,- ասել է ԱԳ նախարարը։

Նա նշել է, որ Զելենսկին չի բանակցել Ռուսաստանի Դաշնության հետ, երբ առաջարկներ էր ներկայացվում տարածաշրջանում անվտանգությունն ապահովելու համար, և բաց է թողել հնարավորությունը։

«Մենք առաջարկել ենք անվտանգության ցանկացած տարբերակ: Այս մասին նախագահ Վլադիմիր Պուտինը խոսել է Ֆրանսիայի նախագահ Էմանուել Մակրոնի հետ բանակցություններից հետո կայացած մամուլի ասուլիսում։

Նա ասել է՝ ՆԱՏՕ-ի ընդլայնումն անընդունելի է, բայց մենք ցանկանում ենք համատեղ բանակցությունների միջոցով, համատեղ ջանքերով փնտրել անվտանգության ապահովման այնպիսի տարբերակներ, որոնք կերաշխավորեն համապատասխան պայմաններ, համապատասխան հնարավորություններ և պահանջներ Ուկրաինայի, եվրոպական երկրների և, իհարկե, Ռուսաստանի համար։ Ուստի նախագահ Զելենսկու բաց թողնված հնարավորությունները քաջ հայտնի են, և այժմ պետք չէ այդ ամենը մեզ վրա բարդել»,- ասել է ՌԴ ԱԳՆ ղեկավարը։