Ձեր վստահելի աղբյուրը

Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչը լրագրողներին ներկայացրել է փետրվարի 24-25-ին Նուր-Սուլթանում (Ղազախստանի Հանրապետություն) կայացած Եվրասիական միջկառավարական խորհրդի նիստի արդյունքները։ Այս մասին հայտնում է ԵՏՀ մամուլի ծառայությունը։

Նրա խոսքով, անցյալ տարվա արդյունքները չեն կարող չուրախացնել, քանի որ ինտեգրման հիմնական ցուցանիշը՝ արդյունաբերական կոոպերացիան, փոխադարձ առևտուրն անցած տարվա ընթացքում 2020 թվականի համեմատ մեկ երրորդով աճել է:

Նա ուշադրություն հրավիրեց 2022 թվականի աշխատանքների որոշակի, նորարարության վրա՝ առանձնացնելով գործողությունների երեք հիմնական առաջնահերթ ուղղությունները:

«Երեք ոլորտները՝ ներդրումները հիմնական կապիտալում, թվայնացում և սկզբունքորեն նոր պայմաններով համագործակցությունը, պետք է շատ լուրջ խթան հաղորդեն հետագա զարգացմանը»,-ասել է նա։

Մեկ այլ ոլորտ, որին տեղ կհատկացվի ԵՏՀ-ի գործունեության մեջ, սոցիալական քաղաքականության խնդիրներն են։

«2021 թվականին ԵԱՏՄ տարածքում զբաղվածության ծառայությունների կողմից գրանցված գործազուրկների թիվը նվազել է 67 %-ով։ Սրանք շատ լավ ցուցանիշներ են, նոր աշխատատեղեր են։ Մենք պետք է ձգտենք նաև աշխատանքի բարձր կատարողականի։

Իրական աշխատավարձերի աճն ապահովված է նաև ԵԱՏՄ բոլոր երկրներում, հատկապես Բելառուսում՝ 4,4%-ով և Ղազախստանում՝ 8%-ով։ Մենք կարծում ենք, որ հետագա ուշադրություն պետք է դարձնել ոչ միայն արդյունաբերական կոոպերացիային, փոխադարձ առևտրին, այլև սոցիալական օրակարգի խնդիրների լուծմանը»,-ասել է նա։