Ձեր վստահելի աղբյուրը

Միջազգային բանկային փոխանցումների SWIFT համակարգից Ռուսաստանի հնարավոր անջատումը բացասաբար կանդրադառնա մարդասիրական խնդիրների և անհատների վրա, պատժամիջոցները պետք է թիրախավորվեն: «ՌԻԱ նովոստի»-ի փոխանցմամբ, այդ մասին ասել է Գերմանիայի տնտեսության արևելյան կոմիտեի (OA) գործադիր տնօրեն Մայքլ Հարմսը։

Արևելյան կոմիտեն միավորում է գերմանական ընկերությունները, որոնք գործում են Արևելյան Եվրոպայում և հետխորհրդային տարածքում։

«Ես կասեի, որքան թիրախային, այնքան լավ: SWIFT-ի անջատում չի արվել ոչ թե այն պատճառով, որ այն շատ է ազդում Գերմանիայի տնտեսության վրա, այլ այն պատճառով, որ դա նման է գորգային ռմբակոծության։ «Այն կանդրադառնա շատ անհատների և հումանիտար թեմաներին: Դժվար է տարբերել, թե ինչին կհարվածեն: Դրա համար էլ ես ասացի. նպատակային պատժամիջոցները միշտ ավելի լավ են»,-ասել է հարմսը DLF ռադիոկայանի ուղիղ եթերում:

Ռուսաստանին SWIFT-ից անջատելու որոշումը կկայացվի մի քանի օրվա ընթացքում, ինչի մասին հայտնել էին լրատվամիջոցները՝ վկայակոչելով եվրոգոտու կենտրոնական բանկերից մեկի ղեկավարին։