Ձեր վստահելի աղբյուրը

«Հայր և որդի Երեմյաններ» ՍՊԸ-ի «Բուրգըրի Անգուս»-ում ու «Տաշիր Պիցցա» ցանցի երկու մասնաճյուղերում  մասայական թունավորումների փաստով հարուցված քրեական  գործերով որևէ զարգացում չկա։ Այս մասին Panorama.am-ին հայտնեցին քննչական կոմիտեից։

Քրեական գործերի հարուցման մասին հայտնի էր դարձել դեռ անցած տարվա դեկտեմբերի 13-ին։
Հիշեցնենք, որ քրեական գործը հարուցված է Քրեական օրենսգրքի 279 հոդվածի հատկանիշներով։

Հոդվածը  սահմանում է. «Սպառողների կյանքի կամ առողջության անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը կամ նշված ապրանքների, աշխատանքների կամ ծառայությունների` անվտանգության պահանջներին համապատասխանությունը հավաստող պաշտոնական փաստաթղթերն ապօրինի հանձնելը կամ օգտագործելը, եթե այդ արարքներն անզգուշությամբ վնաս են պատճառել մարդու առողջությանը պատժվում է տուգանքով` նվազագույն աշխատավարձի երկուհարյուրապատիկից չորսհարյուրապատիկի չափով, կամ ազատազրկմամբ` առավելագույնը երկու տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով կամ առանց դրա»։

Հիշեցնենք, որ ՍԱՏՄ ղեկավար Գեորգի Ավետիսյանը Panorama.am-ին տված հարցազրույցում հայտարարել էր,  թե «Տաշիր պիցցա»-ում, թե «Երեմյան փրոջեքթս»-ի սննդի կետում թունավորումների պատճառը եղել է մարդկային գործոնը, ոչ թե հումքը։

«Երեմյան փրոջեքթս» ընկերությանը պատկանող «Բուրգըրի» («Burgery Angus & More») հասարակական սննդի կազմակերպությունում արձանագրված սննդային թունավորման դեպքի կապակցությամբ ՍԱՏՄ-ից ավելի վաղ հայտնել էին, որ համաձայն փորձաքննության արդյունքների, նմուշառված «Հավի մսի խճողակ» և «Տավարի մսի խճողակ» արտադրատեսակներում հայտնաբերվել է սալմոնելա:

Հիշեցնենք, որ սույն թվականի նոյեմբերի 20-ին «Բուրգըրի» հասարակական սննդի կազմակերպությունում սնված 13 քաղաքացի, «աղիքային վարակ» նախնական ախտորոշմամբ, հոսպիտալացվել էր Ինֆեկցիոն հիվանդությունների ազգային կենտրոնում:

«Երեմյան Փրոջեքթս» կազմակերպությանն են պատկանում «Պանդոկ Երևան» ռեստորանների ցանցը, «Երևանի Շաուրմա» արագ սննդի ռեստորանների ցանցը, «Լավաշ» ռեստորանը, «Շերեփ» ռեստորանը, ինչպես նաև «Լիվինգսթոն»-ը, «Սմոքինգ շեֆ»-ը, «Պանդոկ Երևան. գետափին»-ը։

Հիշեցնենք, որ  «Տաշիր պիցցա»-ի երևանյան երկու մասնաճյուղում սնվածների շրջանում նոյեմբերի 4-9-ն ընկած ժամանակահատվածում արձանագրվել է աղիքային վարակիչ հիվանդության բռնկում։ Պաշտոնական տվյալներով, տարբեր հիվանդանոցներ էին դիմել տուժած 179 մարդ, որից 35-ը 0-18 տարեկան են:
Լաբորատոր հետազոտությունների արդյունքում  մակերեսներից վերցված լվացուկների 40 նմուշներից 14-ում հայտնաբերվել էին աղիքային ցուպիկի խմբի մանրէներ (ԱՑԽՄ), աշխատակիցներից վերցված մանրէակրության վերաբերյալ 24 կենսանմուշներից երկուսում ստուգումները։հայտնաբերվել է salmonella enteritidis,  ստաֆիլակոկակրության վերաբերյալ քիթ-ըմպանից վերցված 26 քսուքից՝ 9 աշխատակիցների մոտ անջատվել է ստաֆիլակոկ: Սննդամթերքի 16 նմուշից մանրէաբանական հետազոտության արդյունքում  3-ում հայտնաբերվել է ստաֆիլակոկ և սալմոնելլա (հավի մսից՝ staphylococcus aureus, «կեսար» աղցանի, սոուսի, մարինացված սնկի, երշիկի, կտրատած երշիկի, եփած սնկի, քերած պանրի, հավով միջուկի մեջ՝ salmonella enteritidis):
Թունավորումից հետո «Տաշիր Պիցցա»-ի երևանյան 24 մասնաճյուղերում մեկնարկել էին։