Ձեր վստահելի աղբյուրը

«Պրոյեկտ ինտեր-ինվեստ» ընկերությունը՝ ապրանքանիշը «Շիրակ» չէր կարող մրցակցության օրենսդրություն խախտել և դեմպինգ իրականացնել:  Panorama.am-ին հայտնեց ՄՊՀ  մամուլի խոսնակ Անի Սմբատյանը։

Panorama.am-ը   դեռ փետրվարի կեսին ահազանգել էր ձվի շուկայի զարգացումների մասին, ներկայացրել ոլորտում գործող ընկերությունների կասկածները, մտահոգությունները։

Ձվի գնի իջեցման մեջ տնտեսվարողները դիմպինգին բնորոշ տարրեր էին նկատել՝ մեղադրելով «Արզնի» ու «Պրոյեկտ ինտեր-ինվեստ» ընկերություններին։

Ի պատասխան Մրցակցության պաշտպանության հանձնաժողովից մանրամասնեցին, որ շուկայում դեմպինգ (չհիմնավորված ցածր գնի սահմանում) կարող է իրականացվել գերիշխող դիրք ունեցող ընկերության կողմից:

Մրցակցության պաշտպանության հանձնաժողովը դեմպինգի հարցը կարող է դիտարկել այն պարագայում, երբ այն իրականացվել է գերիշխող դիրք ունեցող ընկերության կողմից:
«Ապրանքային շուկայում տնտեսավարող սուբյեկտը համարվում է գերիշխող դիրք ունեցող, եթե նրա իրացման ծավալները կազմում են շուկայի 33,3% և ավելին:

Ինչ վերաբերում է հավի ձվի շուկայում արձանագրված վերջին գնիջեցմանը, որը կապվում է «Պրոյեկտ ինտեր-ինվեստ» ՍՊԸ-ի հետ, հայտնում եմ, որ շուկայում ունեցած նրա մասնաբաժինը չի գերազանցում 5%-ը։ Հետևաբար ընկերությունը, շուկայում չունենալով գերիշխող դիրք, չէր կարող մրցակցության օրենսդրություն խախտել և դեմպինգ իրականացնել»,-նշեց Անի Սմբատյանը։