Ձեր վստահելի աղբյուրը

«ՌԴ միգրացիոն օրենսդրության խստացումներն ուժի մեջ մտան 2021 թվականի դեկտեմբերի վերջից, բայց այս տարվա փետրվարի վերջին այդ օրենքի մեջ տեղի ունեցան որոշակի փոփոխություններ, որոնք ուժի մեջ մտան մարտի1-ից»,-«Արմենպրես» մամուլի ակումբում հայտնեց  Միգրացիոն ծառայության պետի տեղակալ Իրինա Դավթյանը՝ ներկայացնլով ՌԴ միգրացիոն օրենսդրության վերջին փոփոխությունները:

Նրա խոսքով՝ առանց արտոնագրերի այցելության ռեժիմով մինչև 90 օր տևողությամբ ՌԴ մեկնողների խմբում գտնվող քաղաքացիները կարող են այդ ժամկետում չհիմնավորել իրենց գտնվելը, բայց այդ օրը լրանալուց հետո նրանք պետք է հիմնավորեն ավել գտնվելու պատճառները:

«Այս խմբի քաղաքացիներից չի պահանջվի բժշկական հավաստագրում, մատնադրշումի հանձնում և լուսանկարվել էլ չի պահանջվի»,-ասաց Իրինա Դավթյանը:

Ըստ բանախոսի ներկայացման՝ աշխատանքային միգրանտներն վերոնշյալ երեք ընթացակարգերով էլ պետք է անցնեն 30 օրացույցային օրվա ընթացքում և այն սկսվում է այդ երկիր մտնելու օրվանից, իսկ աշխատանքային միգրանտ են համարվում նրանք, որոնք մուտքի ժամանակ միգրացիոն քարտի այցի նպատակը բաժնում գրել են «աշխատանք»:

Նրա խոսքով՝ աշխատանքի նշումը կարևոր է, քանի որ հակառակ դեպքում չեն կարողանա աշխատանքի ընդունվել:

Անդրադառնալով 90 օրից ավել ՌԴ-ում մնալ ցանկացող քաղաքացիների խմբին՝ Միգրացիոն ծառայության պետի տեղակալն ասաց, որ նրանց մեջ կարրղ են լինել աշխատանքային միգրանտների ընտանիքների անդամները կամ ուսանողները, որոնք նույնպես պետք է անցնեն բժշկական հավաստագրման, մատնադրոշմ հանձնելու և լուսանկարվելու ընթացակարգերով, ինչը կարող են անցնել 90 օրվա ընթացքում:

«Մինչև դկտեմբերի 29-ը ՌԴ մուտք գործած քաղաքացիների համար այդ ընթացակարգերով անցնելը պարտադիր չէ քանի դեռ նրանք դուրս չեն եկել ՌԴ-ից և նորից չեն վերադարձել հետ»,-հատնեց Իրինա Դավթյանը և տեղեկացնելով, որ ՌԴ-ում բնակության ժամանակավոր թույլտվություն և թույլտվություն ունեցող անձանցից այդ ընթացակարգն անցնել չի պահանջվում, հավելեց. «Իսկ այն քաղաքացիները, որոնք անցել են այդ ընթացակարգերով մինչև օրենքի ընդունումը, խորհուրդ է տրվում վերցնել այդ փաստաթղթերը որպեսզի նորից չանցնեն դրանք»:

Նրա խոսքով՝ այդ ընթացակարգերով անցնում են ՌԴ մեկնող բոլոր քաղաքացիները բացի Բելառուսի քաղաքացիներից, մինչև 6 տարեկան երեխաներից, դիվանագիտական ծառայությունների և միջազգային կազմակերպությունների աշխատակիցներից:

«Բժշկական հավաստագրումը երկու խումբ հետազոտություն է ենթադրում, որոնք  պետք է անցնեն քաղաքացիները, առաջինը՝ քիմիկո-թունաբանականն է(հոգեմեդ դեղի, թմրանյութ օգտագործելու փաստը բացահայտելու), մյուսը խոմբը՝ վերաբերում է վարակիչ ինֆեկցիոն հիվանդություններին(թոքախտ, բորոտություն, սիֆիլիսը, ՄԻԱՎ-ը)»,-հայտնեց Իրինա Դավթյանը և շեշտեց, որ մարտի 1-ից ՌԴ տարածքում քովիդի թեստ հանձնելու պարտավորությունը հանվել է պահանջներից:

Ըստ բանախոսի՝մյուս փոփոխությամբ հոգեմեդ դեղերի ընդունման հետազոտության պետք է ենթարկվեն 13 տարեկան և բարձ տարիքի անձինք, մինչ փոփոխություններն այդ խումբը սկսվում էր 6 տարեկանից:

Նա նաև տեղեկացրեց, որ մինչ վերջին փոփոխությունները, վերոնշյալ բժշկական տեղեկանքները ուժի մեջ էին 3 ամիս, իսկ հիմա դրանք ուժի մեջ են 1 տարի:

Դավթյանը հայտնեց, որ քաղաքացին բժկական ստուգում անցկանելու դեպքում 5 օրվա ընթացքում ստանում են եզրակացությունը, իսկ հիվանդությունների հաստատման դեպքում՝ 18 օրվա ընթացքում:

Միգրացիոն ծառայության պետի տեղակալ ը զգուշացրեց, որ եթե քաղաքացիները չկատարեն վերոնշյալ պահանջները, ապա կստանան 3 օրվա ընթացքում երկիրը լքելու պահանջ, իսկ եթե չկատար նաև այդ պահանջն, ապա կտուգանվեն ու կվթարվեն ՌԴ-ից՝ զրկվելով 5 տարի ՌԴ մուտքի իրավունքից: