Ձեր վստահելի աղբյուրը

Արցախի ԶՈւ գնդապետ Սենոր Հասրաթյանը գրում է.

«Այսօր՝ Վազգեն Սարգսյանի ծննդյան օրը, հիշեցի  ձեր խոնարհ ծառայի և Սպարապետի միջև 1997թ. հոկտեմբերի 24-ին տեղի ունեցած հարցազրույցի հետևյալ  հատվածը.

-...Ղարաբաղի հարցի կարգավորումը պիտի իրականացնի ողջ հայ ժողովուրդը՝ Հայաստանում, Ղարաբաղում, սփյուռքում,-ասում էր նա:

- Բայց առաջին հերթին պիտի հաշվի առնվի Ղարաբաղի ժողովրդի կարծիքը, որովհետև նա իր կյանքի, արյան, իր զավակների գնով կարողացավ այս պատերազմում հիմնական դերակատարը լինել:

Ինքը նվաճեց իր հողի վրա անկախ ապրելու իրավունքը և ողջ հայ ժողովուրդը պարտավոր է պաշտպանել այն; (...) Հիմնովի սխալ է այս պատերազմը «ղարաբաղյան» կոչել, սա ողջ հայ ժողովրդի պատերազմն է: Եվ եկեք ճշգրտենք, այս պատերազմը և, ընդհանրապես, այս շարժումը մինչև այսօր մեզ ավելի շատ տվել է, թե՞ տարել է մեզանից:

Եթե հիշում եք, այս շարժումն առաջին հերթին ազատագրեց Հայաստանը՝ Մեղրիից մինչև Մասիս, հետո Լաչին ու Շուշի, Քելբաջարն ու մնացածը: Այս պատերազմը, եթե անգամ չենք սիրում (չգիտեմ, աշխարում կա՞ պատերազմ սիրող ժողովուրդ), բայց իրենց հարգող ժողովուրդները հարգում են իրենց պատերազմը: Պարտավոր ենք հարգել մեր պատերազմը և նրանից հոգնելու, առավել ևս՝ այն ատելու իրավունք չունենք...»։
Ծնունդդ շնորհավոր, Սպարապետ...»։