Ձեր վստահելի աղբյուրը

Ամերիկացի օրենսդիրները բարձրաձայնում են Ուկրաինային ավելի շատ ռազմական օգնության տրամադրման մասին, քանի որ այն պայքարում է Ռուսաստանի ներխուժման դեմ:

ԱՄՆ Կոնգրեսը շուտով կհաստատի շտապ ֆինանսավորումը` 10 միլիարդ դոլար հատկացնելով Ուկրաինայի պաշտպանության և մարդասիրական կարիքներին, Fox News Sunday-ի եթերում ասել է սենատոր Քրիս Մերֆին:

Միևնույն ժամանակ, օրենսդիրները հնարավոր չեն համարում սահմանել Ուկրաինայի օդային տարածքում ոչ թռիչքային գոտի՝ ռուսական օդային հարձակումները զսպելու համար։

«Դա կնշանակի Երրորդ համաշխարհային պատերազմ», - կիրակի օրը ABC-ի եթերում ասել է հանրապետական սենատոր Մարկո Ռուբիոն:

«Կարծում եմ, որ մենք կարող ենք շատ բան անել Ուկրաինային պաշտպանելու համար… բայց կարծում եմ, որ մարդիկ պետք է հասկանան, թե ինչ է նշանակում ոչ թռիչքային գոտին», - ասել է Ռուբիոն:

«Ես ոչինչ չէի բացառի», - կիրակի օրն ասել է դեմոկրատ սենատոր Ջո Մանչինը:

«Եթե ես լինեի նախագահ Զելենսկին, ես էլ ևս կխնդրեի ոչ թռիչքային գոտի ստեղծել: Խնդիրն այն է, որ Ուկրաինայի օդում ոչ թռիչքային գոտի չկա»,- ասել է Քրիս Մերֆին:

Պետքարտուղար Էնթոնի Բլինկենի խոսքով՝ նախագահ Ջո Բայդենը մշտական կապի մեջ է Վլադիմիր Զելենսկիի հետ՝ Ուկրաինայի լրացուցիչ ինքնաթիռների խնդրանքով։ Ինչպես նշել է պետքարտուղարության ղեկավարը, խոսքը, մասնավորապես, Ուկրաինային լեհական ինքնաթիռներ ուղարկելու մասին է։