Ձեր վստահելի աղբյուրը

«Չնայած այն բանին, որ այսօր հիմնական լարվածությունը Արցախում է, Ադրբեջանցիների սադրանքները սպասելի են, ոչ թե այնտեղ, այլ Հայաստանում, քաննի որ Արցախում սադրանքների հետևանքները կարող են անկանախատեսելի լինել նրանց համար»,-«Հայելի»  մամուլի ակումբում ասաց  «Ազատագրում» ժողովրդաազատագրական շարժման առաջնորդ, ռազմական փորձագետ Միկա Բադալյանը և բացատրեց, որ Արցախի դեպքում կլինի հարձակում ՌԴ խաղաղապահների վրա և, ինչպես վերջերս հայտնել է Հայաստանում ՌԴ դեսպանը, եթե նման զարգացում լինի, ապա Ռուսաստանը կճանաչի Արցախի Անկախությունը, այնտեղ կմտցնի իր զորքերը և կազատագրի այն:

Ռազմական փորձագետի խոսքով, առկա տվյալներն խոսում են այն մասին, որ ադրբեջանական սադրանքները կարող են լինել կա՛մ Երասխում, կա՛մ Սիսիանում, բայց Վարդենիսի ուղղությունը ևս չբացառեց:

Ըստ Միկա Բադալյանի՝ Ադրբեջանը ծանր դրության մեջ է հայտնվել՝ փետրվարի 22-ին դաշնակցային հարաբերությունների մասին պայմանագիր կնքելով ՌԴ-ի հետ, և փետրվարի 24-ին արդեն աջակցելով Ռուսաստանի թիվ մեկ հակառակորդ Ուկրաինային:

«Ալիևի տերերը՝ Թուրքիան և Մեծ Բրիտանիան, չխնայելով Ադրբեջանին, կարող են ՌԴ-ի դեմ բացել երկրորդ ճակատը, որը կլինի Ալիևի մեծ սխալը, բայց նա ընտության հնարավորություն չունի»,-ասաց փորձագետը և կանխատեսեց, որ այդ դեպքում Թուրքիան չի աջակցի Ադրբեջանին, քանի որ նա չի ցանկանում կռվել ՌԴ-ի հետ՝ հիշեցնելով, որ Անկարան չփակեց օդը և Ռուսաստանի հետ համաձայնության եկավ ռուբլով առևտրի վերաբերյալ:

«Եթե «Խորհրդային միություն-20» ծրագիրը կա, ապա Ռուսաստանը կազատագրի Շուշին, Հադրութը, մյուս շրջանները և կցանկանա ցամաքային սահման ունենալ նրա հետ, այդ դեպքում ստիպված կլինի գրավել Գանձակը և Դաղստանով ցամաքային սահման հաստատել, որը կնշնակաի, որ ՌԴ-ն նաև Հայաստանի հետ սահման կունենա, ինչը էականորեն կփոխի ամեն ինչ»,-նկատեց Միկա Բադալյանը:

Նա գտնում է, որ այսօր Հայաստանի առաջնային խնդիրը, որպես ՌԴ ռազմավարական գործընկեր, պատժամիջոցների տակ չընկնելն է, և այդ առումով ՀՀ իշխանությունների լռությունը ճիշտ է համարում, իսկ եթե իշխանությունները դիվանագիտություն ունենային և այդ մասին կարողանային բարձրաձայնել, ավելի լավ կլիներ:

«Բայց քանի որ նրանցից դիվանագետ ինչ-որ կերպ է ստացվում, պրոֆեսիոնալներ՝ առավել ևս, ապա ավելի լավ է լռեն, դրանից ավելի շատ օգուտ կլինի»,-հայտարարեց ռազմական փորձագետը:

Տեղեկացնելով, որ շատ ռուսաստանցիներ ցանկանում են իրենց բիզնեսը տեղափոխել Հայաստան՝ Բադակլյանը հույս հայտնեց, որ Հայաստանը դրանից կօգտվի, քանի որ ցանկացած ճգնաժամ նաև հնարավորություն է:

Ռազմական Փորձագետը գտնում է, որ Սյունիքի միջանցքի հարցով Թուրքիան չի առճակատի ՌԴ-ի հետ, քանի որ այդ դեպքում կլին հակամարտություն ՆԱՏՕ-ի անդամ պետության հետ, իսկ Վլադիմիր Պուտինը հստակ ասաց, որ եթե ցանկանում են, ապա կլինի հակամարտություն ՆԱՏՕ-ի հետ, բայց այնտեղ հաղթողներ չեն լինի, քանի որ այն կլինի միջուկային պատերազմ, մյուս կողմից էլ բոլորը տեսնում են, որ Պուտինը կգնա մինչև վերջ:

Միկա Բադալյանը տեղեկացրեց, որ ըստ վարկածներից մեկի՝ ՌԴ-ն Ուկրաինայի դեմ գործողություններ է սկասել այն բանից հետո, երբ տեղեկություն է ստացել, որ Ուկրաինան միջուկային զենք է ստեղծում, իսկ դրա հնարարվորույթունները նա ուներ դեռ խորհրդային տարիներից:

Ըստ փորձագետի՝ այդ պատճառով էլ ՌԴ-ն հարձակվում է այն շրջանների վրա, որտեղ ուկրաինական ատոմակայաններն են, իսկ Ուկրաինայում ազգայնականները բնակիչներին օգտագործում են որպես կենդանի վահան, և նույնիսկ տեղեկություններ կան որ Կիևից ընտանիքներին դուրս թողնելու համար ազգայնականները պահանջում են 10 հազար դոլար: