Ձեր վստահելի աղբյուրը

Ռուսաստանի Դաշնության նախագահի մամուլի խոսնակ Դմիտրի Պեսկովը հայտարարել է, որ Ռուսաստանը տեղեկություններ ունի այն մասին, որ Էրդողանի որդին շահեր ունի Իսլամական պետության անդամների կողմից նավթի վաճառքի գործում: Հաղորդում է «Ռիա նովոստի»-ն: http://ria.ru/world/20151128/1330556316.html

«Ես հիմք եմ ընդունում մեր նախագահի կողմից արված հայտարարությունները: Իսկապես, որոշակի տեղեկություն կա, չգիտեմ, թե այն որքան է մանրամասան, բայց կոնկրետ հետաքրքրվածություն կա»,- նշել է Պեսկովը:

Ինչպես տեղեկացվում է, Պեսկովը նաև հիշեցրել է, որ Թուրքիայի կառավարության նոր կազմում էներգետիկայի նախարարի պաշտոնը զբաղեցնում է Էրդողանի փեսան:

Թուրքիայի նախագահի որդու նավթային բիզնեսի մասին հայտարարություններ էր արել նաև Սիրիայի արտգործնախարար Վալիդ Մուալլեմը՝ ընդգծելով, որ ռուսական ռազմական ինքնաթիռը խոցվել է հենց այդ նավթային շահերից ելնելով:

Ավելի վաղ, թեմային անդրադառնալով Էրդողանը հերքել էր Թուրքիայի՝ ԻՊ-ի կողմից նավթի վաճառքի բիզնեսում մասնակցություն ունենալը՝ այդ ամենը որակելով, որպես զրպարտություն: