Ձեր վստահելի աղբյուրը

Հայաստանի փոխվարչապետի աթոռը զբաղեցնող Համբարձում Մաթևոսյանը վստահեցնում է՝ Հայաստանում ներկայում նվազագույն պարենային զամբյուղում ներառված  ապրանքների մասով կանխատեսվող դեֆիցիտ չկա։

Հիշեցնենք, որ վերջին երկու օրերի ընթացքում երևանյան խանութներից քաղաքացիները մեծ քանակությամբ շաքարավազ, ձեթ ու ալյուր էին գնում։

Ֆեյսբուքյան էջում տարածած հայտարարության մեջ նշված է.

«Կոչ ենք անում քաղաքացիներին խուճապային տրամադրություններ չառաջացնել և անհարկի գնումներ չկատարել:

.Էկոնոմիկայի նախարար Վահան Քերոբյանը մեկնաբանել է Հայաստանի Հանրապետության պարենային անվտանգության վերաբերյալ տարածվող լուրերը.

.«Ռուսաստանյան, ինչպես նաև հայաստանյան ԶԼՄ-ներում վերջին երկու օրերին տարածվող տեղեկատվության վերաբերյալ, համաձայն որի նախատեսվում է սահմանափակել ՌԴ-ից մի շարք պարենային ապրանքատեսակների արտահանումը ԵԱՏՄ երկրներ, տեղեկացնում եմ, որ Հայաստանի պարենային անվտանգության խնդիրները գտնվում են ՀՀ կառավարության ուշադրության և անմիջական վերահսկողության տակ։ 

.Մինչ այս պահը, ՌԴ կառավարության կողմից չկա հաստատված որոշում պարենային ապրանքների արտահանման արգելքի վերաբերյալ, հետևաբար Հայաստան ապրանքների ներմուծումն իրականացվում է բնականոն կերպով։ 

.Հայաստանի Հանրապետությունում ներկայում նվազագույն պարենային զամբյուղում ներառված  ապրանքների մասով կանխատեսվող դեֆիցիտ չկա։  Մենք կապի մեջ ենք ռուսաստանյան մեր գործընկերների հետ, և նույնիսկ արտահանման հնարավոր սահմանափակումների վերաբերյալ ՌԴ կառավարության որոշման պարագայում՝ Հայաստանի Հանրապետությունն ունի բնակչության պարենային անվտանգությունն ապահովելու բոլոր անհրաժեշտ ռեսուրսները։

.Ռուսաստանի Դաշնության հացահատիկի ինքնաբավությունը կազմում է շուրջ 150 տոկոս, ինչը նշանակում է, որ ՌԴ-ն ունի բավարար պաշարներ ներքին սպառման և արտահանման համար»։