Ձեր վստահելի աղբյուրը

«Հայաստանի ղեկավարությունը չի պատկերացնում, չի հասկանում ի վիճակի չէ զուգորդելու հայ-թուրքական, հայ-ադրբեջանական հարաբերությունների լավացմանն ուղղված քաղաքական ջանքերը՝ ռազմականի հետ»,- ասուլիսում ասաց ՀՀ նախկին վարչապետ Հրանտ Բագրատյանը։

Ըստ նրա, թուրքը մեծ պատերազմի պատրաստ չէ, քանի որ այդ պարագայում Հայաստանի քաղաքական բարեկամները կարող են օգնության հասնել։

Նրա կարծիքով, ապրիլ-մայիսին, երբ եղանակը կթաքանա, գետինը չոր լինի, ինչ որ քայլերի կդիմի թշնամին։ 

«Արդեն փորձում են, Ներքին Հանդում առաջխաղացումը ցույց տվեց, որ դիմադրություն չկա։  Եվ ընդհանարապես՝ արդեն տարի ու կես է որևէ սահման կահավորված չէ, որևէ ձևով չենք պատասխանում։ Այս իշխանությունն, ըստ էության, չի կարողանում մեզ ապացուցել, որ ի վիճակի է ռազմական առումով որևէ տեսակի պատասխան տալ թշնամուն։

Եթե այս իշխանությունը  ի վիճակի չէ ռազմական  պաշտպանություն կազմակերպել, իրեն  մնում է ջանքեր գործադրել խաղաղության ոլորտում, մեզ էլ բլա-բլա կարդան, թե տեսեք՝ ինչքան լավ է խաղաղությունը»,- ասաց Հ.Բագրատյանը։