Ձեր վստահելի աղբյուրը

Արցախի Հանրապետության Մարտունու շրջանի Հացի գյուղական համայնքի բնակիչները սովորել են առօրյան կազմակերպել՝ թշնամու հարևանությունը հաշվի առնելով: Գյուղատնտեսական աշխատանքների կազմակերպման հարցում որոշակի դժվարություններ ունեն: Զգալի են հատկապես արոտավայրերի կրճատման հետևանքները: Դրան ուղիղ համեմատական՝ կրճատվել է նաև գյուղի անասնագլխաքանակը: 

Արցախի Հանրային հեռուստաընկերության տեսանյութում Հացիի համայնքապետ Սանթուր Սարգսյանն ասում է, որ պատերազմից հետո դարձել են սահմանամերձ գյուղ, վարելահողերն անմիջապես կպած են սահմանին, որևէ երաշխքի չկա, որ աշխատելու պահին ադրբեջանցիները չեն կրակի գյուղացիների վրա։ 

Գյուղի բնակիչներից մեկը պատմում է. «Մի քանի օր է չեն թողել գյուղի բնակիչները գյուղատնտեսական աշխատանքներ իրականացնեն, կրակել են, հայհոյել, թե դուրս եկեք և այլն, և այլն։ Ամեն դեպքում իրենց խոսելուց չենք կոտրվում։ Ամուր կանգնած մնալու ենք մեր Արցախ աշխարհում, կապրենք ու կապացուցենք, որ մենք կանք ու կլինենք»։