Ձեր վստահելի աղբյուրը

Ռուսաստանի օդային տարածքի օգտագործման սահմանափակումների պատճառով 19 երկրների փոխադրողների լրացուցիչ ծախսերը շաբաթական կազմում են ավելի քան 37,5 մլն դոլար։ «Ռիա Նովոստի» գործակալության փոխանցմամբ՝ այս մասին հայտնել Է ՌԴ տրանսպորտի նախարարությունը:

Այդ երկրներն են՝ ԱՄՆ-ը, Կանադան, Մեծ Բրիտանիան, Ավստրիան, Բելգիան, Հունգարիան, Գերմանիան, Իռլանդիան, Իսլանդիան, Իսպանիան, Իտալիան, Լատվիան, Լյուքսեմբուրգն, Մալթան, Նիդեռլանդները, Ֆինլանդիան, Ֆրանսիան, Շվեյցարիան, Շվեդիան։

Նրանք նշել են, որ դրա պատճառով ուղևորներն ու բեռ ուղարկողները շուտով կզգան  գների աճը։

Արևմտյան երկրները լայնածավալ պատժամիջոցներ են սահմանել Մոսկվայի դեմ Ուկրաինայում ռուսական ռազմական գործողության սկսվելուց հետո։ Բացի այդ, բազմաթիվ խոշոր ընկերություններ հայտարարեցին Ռուսաստանում գործունեությունը ավարտելու կամ դադարեցնելու մասին։ Կրեմլը խոստովանել է, որ սահմանափակումները «շատ լուրջ են», սակայն, մամուլի քարտուղար Դմիտրի Պեսկովի խոսքով, իշխանությունները նախապես պատրաստվում էին դրանց։

ՌԴ նախագահ Վլադիմիր Պուտինը Ռուսաստանին զսպելը երկարաժամկետ ռազմավարություն է անվանել Արևմուտքի համար: Նրա խոսքով, սահմանափակումներ մտցողների հիմնական նպատակը միլիոնավոր մարդկանց կյանքը վատթարացնելն է։