Վահե Դոխոյան. Իմ տեղեկություններով, վաղը Վանաձորի համայնքապետի պաշտոնակատար են նշանակելու, հետո էլի Վանաձորը խոշորացնեն
«Հայրենիք» կուսակցության անդամ, Վանաձորի ավագանու անդամ Վահե Դոխոյանն «Պատիվ ունեմ» խմբակցության նախաձեռնությամբ անցկացվող խորհրդարնական լսումների ընթացքում իր ելույթում անդրադարձավ ներքին անվտանգության խնդիրներին։
«Հայրենիքը սկսում է ընտանիքից, փոքր հայրենիքից։ Չի կարող անվտանգ լինել մեծ հայրենիքը, երբ անվտանգության խնդիր կա իշխանությունների կողմից մեր փոքր հայրենիքում, մեր տներում։ Իմ տունը Վանաձորն է, որտեղ ամեն իմ հայրենակիցները բախվում են տարբեր խնդիրների քաղաքապետ չունենալու պատճառով, տուն են կորցնում մի տեղեկանք չտալու պատճառով»,-ասաց Վահե Դոխոյանը։
Նրա խոսքով, բնակիչները շատ են դիմում իրենց՝ ասելով քվե են տվել, իրենց տեր կանգնեք։
«Բայց ի՞նչ ասես, երբ խաթարվել է սահմանադրական անվտանգությունը, որտեղ վտանգի տակ է ժողովրդավարությունը, որտեղ ընտրված, առավելագույն քվե ստացած ավագանու անդամը՝ մեր պարագայում Մամիկոն Ասլանյանը, այլ համայնքներում՝ մյուս գործընկերները շինծու գործերով ձերբակալվում են։ Իշխանության պատվերով դատարանները ձգձգում են պրոցեսներն ու օրինական ընտրված ավագանուն արգելում նիստ գումարել, լուծել Վանաձորի խնդիրները, ծառայել վանաձորցուն։ Հետո այս քաոսը ստեղծողներին պարգևատրում են հատուկ աշխատանքներով»,-ասաց Դոխոյանը։
Ավագանու անդամը հիշեցրեց, գործը քննող դատարանը մեկ ամիս առաջ հեռացել է խորհրդակացական սենյակ ու չի վերադարձել։
«Սա ծիծաղելի է, բայց ծաղրում են սեփական ժողովրդին։ Հիմա սպասվում է հաջորդ քայլը։ Վանաձոր համայնքում, օրենքի հերն անիծելով, ըստ մեր ունեցած տեղեկությունների՝ վաղը պետք է նշանակեն ժամանակավոր պաշտոնակատար։ Գոյություն ունի ընտրված, մանդատ ստացած 33 ավագանու անդամ, բայց իշխանությունները վաղը պատրաստվում են նշանակել քաղաքապետի պաշտոնակատար։ Հաջորդ քայլով ուզում են պաշտոնակատարին տալ անսահմանափակ լիազորություններ, հաջորդ քայլով՝ Վանաձորը կրկին տանել խոշորացման, որպեսզի ցրվի գործող ավագանին»,-ասաց նա։
Դոխոյանի տեղեկություններով, իշխանությունը ցանկանում է Փամբակ խոշորացված համայնքը միացնել Վանաձորին։
«Պատկերացնո՞ւմ եք աշխարհագրական դիրքն ի՞նչ է ստացվելու։ Այդ քայլից հետո Վանաձորն իր չափերով հավասարվելու է գրեթե Երևանին։ Նպատակը մեկն է՝ հասնել հաջողության։ Այլ կերպ ասած, այս իշխանությունները կարող են օրենք ընդունել ու ասել՝ ՏԻՄ ընտրությունները կազմակերպվելու ենք այնքան, խոշորացվելու են այնքան, մինչև քաղաքապետը լինի մեր սրտով։ Կարող են նաև ասել, եթե ՏԻՄ ընտրությունների արդյունքում ընտրված քաղաքապետը մեր սրտով չլինի, միանգամից գնդակահարեք։ Այստեղ են ասում, դե եկ վարդապետ ու մի խենթացիր»,-նշեց Վանաձորի ավագանու անդամը։
Հարակից հրապարակումներ`
- Մենք պետք է դնենք Ադրբեջանի գոյության հարցը, ես հիմա բացում եմ օվերտոնի պատուհանը.Վարդան Ոսկանյան
- Արցախցի պատգամավորի ափսոսանքը Հայաստանի ԱԺ դահլիճում
- Աբրահամ Գասպարյան. Այս խնդիրների մասին պետք է խոսի հանրային էլի՛տան
- Ինձ տարբեր մարմիններ են հրավիրում, ասում են՝ էս ի՞նչ է, իշմա՞ր ես տալիս, թե իբր մենք թույլ ենք. Հրանտ Բագրատյան
- Անժելա Էլիբեգովա. Առանց մարմնի մասերի անկանոն թափահարումների, փսիխոդելիկ մտքերի պատմեք՝ ինչ եք բանակցում
- Արթուր Վանեցյան. Պետք է շատ հստակ խոսել արցախահայություն ինքնորոշման իրավունքի լիարժեք իրացման մասին
- Կներես մեզ, Մարիա ջան, բայց քեզ պես բալիկներ ունեցող հայրենիքը դատապարտված է հաջողության հասնել. Հայկ Մամիջանյան
- Արթուր Վանեցյան. Ադրբեջանի ներկայացրած հինգ կետերը Արցախից հրաժարվելու մասին են
- ԱԺ-ում ծափահարություններով ողջունեցին արցախցի պատգամավորներին
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
