Ձեր վստահելի աղբյուրը

«Մենք պետք է հասկանանք, թե Ադրբեջանի հետ գործընթացն ընդհնարապես պետք է ընթանա թե ոչ, ըստ իս՝ սա շատ կարևոր հարց է, որին չենք անդրադառնում ոչ միայն քաղաքական, այլ նաև հասարակական խոսույթում»,-խորհրդարանկան լսումների ժամանակ ունեցած ելույթում ասաց Իրանագետ Վարդան Ոսկանյանը՝ ուշադրություն հրավիրելով հարցերին, թե ի՞նչ գործընթաց է Ադրբեջանի հետ իրականացվում իրականության մեջ և ինչպես է ներկայացվում մեր հասարակությանը:

Նրա խոսքով՝ ԱԺ ամբիոնից բազմաթիվ հարցեր են բարձրացվել Ադրբեջանի մասին, բայց չի բարձրացվել մեկ հարց՝ արդյո՞ք Ադրբեջանը գոյության իրավունք ունի:

Ըստ Ոսկանյանի՝ երբ Հայաստանում խոսում են Ադրբեջանի կազմում Արցախի գտնվել-ճգտնվելու հարցի մասին՝ դրանով հաստատում են Ադրբեջանի գոյության իրավունքը:

«Այո, մենք պետք է դնենք Ադրբեջանի գոյության հարցը, ես հիմա բացում եմ օվերտոնի պատուհան»,-ասաց բանախոսը և հարց հնչեցրեց, թե ինչո՞ւ կարելի է օվերտոնի պատուհան բացել որոշ տարածքների հայկական լինելու մասին, որոշ հայկական հարցի մասին և չի կարելի բացել օվերտոնի պատուհան Ադրբեջանի գոյության իրավունքը հարցականի տակ դնելու համար:

Ըստ Վարդան Ոսկանյանի՝ որ ադրբեջանն որպես պետություն ստեղծվել է երկու առանցքի շուրջ՝ հակաիրանականության և հակահայկականության և բացատրեց, որ տարածքը պոկվել է իրանական աշխարհից և հակահայկական է, քանի որ տարածաշրջանում այդ տարածքը կիսում են Հայաստանի հետ:

«Որպեսզի բյուրեղանա Ադրբեջանի ինքնությունը, պետք է հակաինքնություն, որը ցավալիորեն մենք ենք»,-ասաց իրանագետը և հավելեց. «Արդյոք մենք մեր հասարակությանը համարձակություն ունենք ասելու, որ Ադրբեջանը որևէ զիջման պարագայում չի համաձայնելու Հայաստանի գոյության շարունակականության հետ, կամ համաձայնելու է Արարատյան դաշտ և հարակից շրջանների գոյության կարգավիճակի հետ: Բաքվի բռնապետն ուղղիղ հայտարարում է այդ մասին՝ ասելով որ եթե Հայաստանը փորձի վերականգնել իր անվտանգային ներուժը ապա իրնեք հերթական հարվածը կհասցնեն»:

Վարդան Ոսկանյանը գտնում է, որ առնվազն պետք է քննարկվի Ադրբեջանի ոչնչացումն որպես պետականություն, իսկ դրա համար պետք տեսլականը սահմանվի, քանի որ չի կարող  երաշխավորել, որ մի տարածքը պահպանելու դիմաց մյուսը տալուց հետո իրոք կկարողանք պահպանել եղածը:

«Այս պետությունն իր հակահայկական, բարբարոս, մարդատյաց բնույթով գոյության իրավունք չի կարող ունենալ և մենք պետք է հասարակական խոսույթում այս հարցը դարձնենք քննության առարկա:Մի արհեստածին կազմավորում, որը պարբերաբար խոսում է հայաստանի չգոյության մասին, գոյության իրավունք ունենալ չի կարող»,- ասաց բանախոսը:

Հայտարարելով, որ հայկական պետականության ծրագիրը, որը գալիս է Արտաշես Առաջինի օրերից չի ենթադրում ռեզերվացիա Թուրքիայի տարաքծում՝ վարդան Ոսկանյանն առաջարկեց. «Այո բաքվի բռնապետական վարչախումբը և Ադրբեջանն արհեստածին կազմավորումը պետք է ոչնչանա, այն է մեր խնդիրների լուծումը, որովհետև նրանց նպատակը Հայաստանի ոչնչացումն է, չգոյությւոնը, քանի որ մենք խանգարում ենք իրենց՝ ըստ իրենց «տրամաբանության» և Ադրբեջանը գոյության իրավունք չունի ո՛չ պատմության, ո՛չ պատմական, ո՛չ արմատների առումով»