Ձեր վստահելի աղբյուրը

Իրավապաշտպան Ավետիք Իշխանյանը գրում է․

«Կարդում, լսում ես տարբեր ողորմելի գործիչների «մտքերը», որոնք, իբր Հայոց ինքնիշխանության նվիյալներ են և մեծ-մեծ խոսում, քննադատում և հայհոյում են Հայաստանի միութենական պայմանագրին միանալու կողմնակիցներին։

Իրականում, այդ մարդիկ,  բացահայտ կամ քողարկված կողմնակիցներն են այսօրվա այն իշխանությանը, որը պարտվեց պատերազմում, պատրաստ է թշնամուն նվիրել Արցախի մնացած հատվածը, նույն թշնամուն է նվիրել Հայաստանի Հանրապետության տարածքներ, որոնց պատճառով Հայաստանը դե ֆակտո կորցրել է ինքնիշխանությունը։ Եվս մեկ անգամ շեշտեմ՝ այս իշխանության ամեն օրը վտանգում է Արցախի և Հայաստանի գոյությունն ընդհանրապես։

Սրանց իշխանության շարունակության տրամաբանական շարունակությունը կլինի կամ Արցախի և Հայաստանի վերացումը, կամ թրքա-ադրբեջանական վասալային կարգավիճակը կամ միութենական պետության մեջ հայտվելը։

Ի դեպ, հիշեք, վերջինի պարագայում, այդ նույն ինքնիշխանության «ջատագովները», նույնպես կրծքով կպաշտպանեն այդ նույն իշխանությանը, «բացատրելով», որ այն լավագույն որոշումն էր ինքնիշխանության պահպանման համար»։