Այս տեմպերով 1700 տարի կարող եք հետ գնալ ու ասել՝ Քրիստոնեությունը պետական կրոն չլիներ, ուրիշ կլիներ ու թուրքերի հետ եղբայրություն կանեինք. Սաղաթելյանը՝ ՔՊ-ականներին
Այս խորհրդարանում քաղաքական ընդդիմությունը հանդես է եկել մի շարք նախաձեռնություններով, որոնք կապված են եղել Արցախի հետ, սակայն «Քաղաքացիական պայմանագիր» խմբակցության պատգամավորները մերժել են։ ԱԺ ամբիոնից հայտարարեց ԱԺ փոխնախագահ Իշխան Սաղաթելյանը։
Նա թվարկեց ընդդիմության առաջարկները։ Աաջարկել են ԱԺ-ում ստեղծել Արցախի հարցերով մշտական հանձնաժողով, մերժել է ՔՊ-ն՝ պատճառաբանելով, որ գոյություն ունի ավելի բարձր՝ միջխորհրդարանական հանձնաժողով, որը մինչ օրս որևէ նիստ չի գումարել։
Առաջարկել են ԱԺ արտաքին հարաբերությունների հանձնաժողովը կոչել Արցախի և արտաքին հարաբերությունների հանձնաժողով, կրկին մերժել են։
Սահմանագծման և սահմանազատման հետ կապված մշակել էին հայտարարության տեքստ, դեմ են քվեարկել ՔՊ-ականները՝ պատճառաբանելով, որ կա ներքաղաքական ձևակերպումներ։
«Չորրորդ՝ ամենազավեշտալին, օկուպացված Շուշիում թուրք-ադրբեջանական հռչակագրի դեմ առաջարկեցինք ԱԺ-ն հանդես գա հայտարարության տեքստով, որտեղ ընդամենը մեկ նախադասություն էինք պահանջում՝ ԱԺ-ն դեմ է այդ հակահայկական փաստաթղթին։ Ասում էինք՝ այդ մեկ նախադասությունը պահեք, մնացածն ինչ ուզում եք, փոխեք։ Սրան ևս դեմ քվեարկեցին և բոյկոտեցին»,- ասաց Ի.Սաղաթելյանը։
Ինչ վերաբերում է այսօրվա առաջարկած նախագծին՝ քրեականացնել ՀՀ տարածքի կամ դրա մասի նկատմամբ Սահմանադրությամբ չնախատեսված եղանակով Հայաստանի Հանրապետության ինքնիշխանությունից հրաժարվելուն կամ այն սահմանափակելուն ուղղված հրապարակային արտահայտությունները, նշված հանցանքի կատարումը հրապարակայնորեն արդարացնելը կամ քարոզելը, նա ասաց, որ առաջարկում են պարզ, հասարակ մի բան՝ ՀՀ տարածքային ամբողաջակությունը և ինքնիշխանությունն անձեռնմխելի է, որևէ մեկը իրավունք չունի դա դնի հարցականի տակ, նրանք, ովքեր կփորձեն դա հարցականի տակ դնել, պետք է ենթարկվեն քրեական հետապնդման։
«Նորմալ իշխանությունը պետք է ասեր՝ այո, ճիշտ եք ասում, ավելի ենք խստացնում, կլինի ընդդիմությունից, իշխանությունից, թե երրորդ երկրից՝ իրավունք չունի այս երկրի տարածքային ամբողջականությունը դնի հարցականի տակ։
Հիմա ասում եք խոսքի ազատություն։ Ի՞նչ խոսքի ազատություն։ Խորհրդարանում եղել են այդպիսի պատգամավորներ, ովքեր որ նման հայտարարություններ են արել են, այդ թվում այսօրվա նախագահը։ Այսինքն, ինչ ենք ասում՝ մեր տարածքային ամբողջականությունն ու ինքնիշխանությունն անձեռնմխելի է։ Ինչո՞ւ եք սա հակադրում խոսքի ազատության հետ»,- դիմելով ՔՊ-ականներին՝ ասաց Իշխան Սաղաթելյանը։
Նա նշեց, որ պետք չէ հարցը տանել ուրիշ տեղ, կոչ արեց մոռանալ նախկիններ-ներկաներ պատմությունը։
«Այս տեմպերով 1700 տարի կարող եք հետ գնալ, հասնելու եք Տրդատ Մեծին, ասեք՝ եթե Քրիստոնեությունն այն ժամանակ պետական կրոն չլիներ, այսօր ուրիշ կլիներ ու թուրքերի հետ եղբայրություն կանեինք»,- ասաց ԱԺ ընդդիմադիր փոխնախագահ Իշխան Սաղաթելյանը։
Հարակից հրապարակումներ`
- Տվել են կամիկաձեի դեր, թող յոլա տանի էլի. Գեղամ Մանուկյանը՝ Վահագն Ալեքսանյանի մասին
- Ընդդիմադիրներն առաջարկում են՝ քրեականացնել ՀՀ տարածքային ամբողջականության դեմ ուղղված արտահայտությունները
- ՔՊ-ն տապալեց ԱԺ-ում «Շուշիի հռչակագիրը» դատապարտող հայտարարության քննարկումը
- ՀՀ գործող իշխանությունը կարող է համարվել «Շուշիի հռչակագրի» երրորդ կողմը. Լարիսա Ալավերդյան
- ՔՊ-ն, ըստ էության, կողմ է «Շուշիի հռչակագրին», կողմ է, որ Արցախը մնա Ադրբեջանի կազմում. Աննա Գրիգորյան
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
