Ձեր վստահելի աղբյուրը

Իրանագետ Վարդան Ոսկանյանը հայտնել է, որ  «Ֆեյսբուքում» էջը գտնվում է գրեթե մշտական փաստացի հետապնդման մեջ։

«Հիմա՝ երկու ելք կա. կա՛մ բողոքել, որ տվյալ հարթակը շատ վառն է, սահմանափակում է խոսքի ազատությունը և նման այլ հիմարություններ, որոնք լալկանի համար դասական մխիթարանք են, մանկամիտ զոհի հոգեբանության դրսևորում, կա՛մ պայքարել բոլոր հնարավոր միջոցներով՝ այդ թվում նաև այլընտրանքային հարթակ ստեղծելով, որն այս պարագայում «Տելեգրամի» իմ ալիքն է։
Նույնը նաև աշխարհի պարագայում է. կա՛մ անօգուտ լացում ես ու բողոքում, որ անմեղ ես, զոհ ես և նման այլ անմտություններ, կա՛մ պայքարում բոլոր հնարավոր միջոցներով։

Լալկան և կամազուրկ Հայաստանն ապագա չունի, ապագան պայքարող Հավերժական Հայաստանինն է»,- Թելեգրամյան ալիքում գրել է Վարդան Ոսկանյանը։

Ոսկանյանի ֆեյսբուքյան էջը կարող է հետապնդման մեջ լինել և ադրբեջանական, և իշխանական ուժերի կողմից։

Նրա սթափ, դիպուկ գնահատականները և առաջարկները, որ կարող են ՀՀ հաջող ռազմավարություն դառնալ հայապահպանության հարցում, պարզ է, որ թուրք-ադրբեջանական հակահայ քաղաքականությանը դուր չեն գա։ Իսկ այն, որ դրանք հնչեցնում է «Պատիվ ունեցողը», կարող է և իշխանականներին «հրահրել», որ ջանադիր արգելափակեն Վարդան Ոսկանյանի էջը։

Հիշեցնենք, որ երեկ խորհրդարանկան լսումների ժամանակ ունեցած ելույթում Վարդան Ոսկանյանն ասել էր, որ առնվազն պետք է քննարկվի Ադրբեջանի ոչնչացումն որպես պետականություն, իսկ դրա համար պետք տեսլականը սահմանվի, քանի որ չի կարող  երաշխավորել, որ մի տարածքը պահպանելու դիմաց մյուսը տալուց հետո իրոք կկարողանք պահպանել եղածը:

«Այս պետությունն իր հակահայկական, բարբարոս, մարդատյաց բնույթով գոյության իրավունք չի կարող ունենալ և մենք պետք է հասարակական խոսույթում այս հարցը դարձնենք քննության առարկա:Մի արհեստածին կազմավորում, որը պարբերաբար խոսում է հայաստանի չգոյության մասին, գոյության իրավունք ունենալ չի կարող»,- հայտարարել էր իրանագետը։

Այս ելույթը ոգևորությամբ ընդունեց սոցհասարակությունը, որպես ոչ պաթետիկ, գործուն քայլի ծրագիր։

Ասենք՝ հիմա Վարդան Ոսկանյանի ֆեյսբուքյան էջը արգելափակված է։