Ձեր վստահելի աղբյուրը

«2021 թվականին խաղադրույքների ոլորտում տեղի է ունեցել 3 տրիլիոն 900 մլրդ դրամի  շրջանառություն, սա մեր երկրի բյուջեն  կրկնակիից ավել գերազանցող ցուցանիշ է»,-կառավարության նիստում հայտնեց Նիկոլ Փաշինյանը:

Հայտարարելով, որ 2018 թվականից հետևողականորն կրճատել են խաղային ոլորտը՝ փաշինյանն արձանագրեց, որդրան հակառակ,  Ֆինանսների նախարար Տիգրան Խաչատրյանի ներկայացված տվյալներով նախորդ տարի կրկնակի ավելացել է խաղային ոլորտի շրջանառությունը:

Նա հիշեցրեց, որ գործադիրը արգելել էր հանրային վայրերում խաղային սարքերը, գովազդը, կճատել են բույքմեքերական գրասենակները և հայտարարեց, որ շարունակելու են պայքը խաղամոլության դեմ:

Կառավարության նիստում քննարկվող նախագծերից մեկով հաստատվեց Հայաստանի տարածքից արտահանման ներմուծման նպատակով բեռների՝ լաստանավերով տեղափոխման դեպքում առաջացած լրացուցիչ ծախսերի նվազեցմանն ուղղված միջոցառումը:

Տեղեկացնելով, որ ներմուծման և արտահանման ժամանակ Հայաստանը տարիներ շարունակ բախվում է Վերին Լարսի անցակետի փակ լինելու խնդրին՝ էկոնոմիկայի նախարար Վահան Քերոբյանն ասաց. «Դրա համար մենք առաջարկում ենք սուբսիդավորել Փոթի-Պորտ Կավկազ լաստանավային կանոնավոր հաղորդակցությունը՝ շաբաթական 2 անգամ չվացուցակով, որպեսզի կարողանանք որոշ ժամանակի ընթացքում մեր լոգիստիկ բեռնափոխադրումների էական մասը տեղափոխել երկաթուղային տրանսպորտային ձևի, որը թույլ կտա էապես բարձրացնել Հայաստանի պարենային անվտանգությունը և լոգիստիկ հասանելիությունը: Դա նաև էապես կբարձրացնի Հայաստանի արդյունաբերության մրցունակությունը»: