Ձեր վստահելի աղբյուրը

Այսօր Բրյուսելում կհրավիրվի ՆԱՏՕ-ի արտահերթ գագաթնաժողովը։ Հյուսիսատլանտյան դաշինքի անդամ երկրների ղեկավարները, այդ թվում՝ ԱՄՆ նախագահ Ջո Բայդենը, արտահերթ գագաթնաժողովում կքննարկեն Ուկրաինայի հարցը։ Այս մասին նախօրեին Բրյուսելում կայացած մամուլի ասուլիսում հայտնել է ՆԱՏՕ-ի գլխավոր քարտուղար Յենս Սթոլթենբերգը՝ հայտարարելով նաև գագաթնաժողովի մասին, փոխանցում է «Ինտերֆաքս-Ուկրաինան», փոխանցում է Jnews-ը։

«ՆԱՏՕ-ի առաջնորդները կվերահաստատեն մեր աջակցությունն Ուկրաինային։ Ուկրաինան ՄԱԿ-ի կանոնադրության համաձայն ունի ինքնապաշտպանության իրավունք։ Եվ մենք օգնում ենք ուկրաինացիներին պաշտպանել այդ հիմնարար իրավունքը»,- ասել է գլխավոր քարտուղարը։

Սթոլթենբերգը կարծում է, որ ՆԱՏՕ-ի առաջնորդները «կհանդիպեն մեր անվտանգության համար վճռորոշ պահին»։

«Եվ ես անհամբեր սպասում եմ նախագահ Զելենսկու հետ հանդիպմանը, ով մեզ կդիմի հանդիպմանը (տեսակապի միջոցով)»,- մանրամասնել է նա։

Գլխավոր քարտուղարը նաև ասել է, որ «Պուտինը պետք է վերջ դնի այս պատերազմին, թույլատրի օգնությունն ու անվտանգ անցումը խաղաղ բնակիչների համար և զբաղվի իսկական դիվանագիտությամբ»։

«Նախագահ Պուտինի դաժան ներխուժումն Ուկրաինա ամեն օր մահեր ու ավերածություն է բերում: Դաշնակիցները միասնական են՝ աջակցելու Ուկրաինայի խիզախ ժողովրդին և դեմ են Կրեմլի դաժանությանը»,- ընդգծել է Սթոլթենբերգը։

Բացի այդ, նա հայտարարել է, որ գագաթնաժողովին հետագա որոշումները կընդունվեն ՆԱՏՕ-ի դիրքերն ամրապնդելու համար բոլոր ոլորտներում՝ Դաշինքի արևելյան հատվածներում ուժերի զգալի մեծացմամբ ցամաքում, օդում և ծովում:

«Առաջին քայլը ՆԱՏՕ-ի չորս նոր մարտական խմբերի տեղակայումն է Բուլղարիայում, Հունգարիայում, Ռումինիայում և Սլովակիայում: Բալթյան երկրներում և Լեհաստանում գոյություն ունեցած մեր ուժերի հետ մեկտեղ, սա նշանակում է, որ մենք կունենանք ՆԱՏՕ-ի ութ բազմազգ մարտական խմբեր ամբողջ արևելյան թևում՝ Բալթյան տարածքից մինչև Սև ծով: Մենք կանգնած ենք մեր անվտանգության համար նոր իրականության առաջ: Ուստի մենք պետք է վերսկսենք մեր պահպանումն ու պաշտպանությունը երկարաժամկետ հեռանկարում»,- ասել է Սթոլթենբերգը։