Որպեսզի հարևանների հետ պատերազմ չլինի, պետք է երկրի ներսում լինի համերաշխություն, բայց մենք հեռու ենք այդ իրավիճակից. Արմեն Գևորգյան
«Լավ է, որ պատասխանատվության հարց եք դնում խաղաղապահների առաջ, և օպերատիվ արձագանքում եք, բայց վատ է, որ այդ նույն օպերատիվությունը չկա, երբ որ ադրբեջանցիները հայկական տարածք են ներխուժում և մինչև հիմա էլ մնացել են այնտեղ»,-ԱԺ տարածաշրջանային և եվրասիական ինտեգրման մշտական հանձնաժողովի նիստում հայտնեց «Հայաստան» խմբակցության պատգամավոր Անդրանիկ Թևանյանը՝ դիմելով ԱԳ նախարարի տեղակալ Արմեն Ղևոնդյանին:
Ընդդիմադիր պատգամավորը նկատեց, որ կառավարությունից դուրս եկող տեղեկատվությունից այնպիսի տպավորություն է ստանում, որ իշխանությունները Արցախից ձեռքերը լվացրել են և ասում են՝ այն խաղաղապահների զոնայում է, և իրենք էլ թող պատասխան տան, թե ինչ է տեղի ունենում:
Թևանյանը նկատեց, որ ԱԳՆ վերջին հայտարարությունն այդ ոճի մեջ էր, և այնտեղ հարց էր հնչեցվում, թե ինչպե՞ս է եղել, որ խաղաղապահների պատասխանատվության գոտում Ադրբեջանցիներն առաջ են եկել:
«Դուք բացառո՞ւմ եք, որևէ պարագայում Արցախի կարգավիճակ Ադրբեջանի կազմում»,-ԱԳ փոխնախարարին հարցրեց Անդրանիկ Թևանյանը և հետաքրքրվեց, թե ինչու գործադիրը և խորհրդարանը համարժեք արձագանք չի տալիս Շուշիի հռչակագրի վավերացմանը:
ԱԳ փոխնախարար Արմեն Ղևոնդյանը խնդրեց, որ իրեն թույլ տրվի գրավոր պատասխանել հնչաց հարցերին:
«Արցախի կարգավիճակի հարցը գնտնվում է բացառապես արցախում ապրող հայության իրավասության գոտում»,-արձագանքելով Թևանյանի պնդմանը՝ պատասխանեց Արմեն Ղևոնդյանը:
Թևանյանը պնդեց, որ փոխնախարարը ներկայացնի իր անձնական տեսակետն, ինչին ի պատասխան Ղևոնդյանը հայտնեց, որ որպես քաղաքացի բացառում է Արցախի որևէ կարգավիճակ Ադրբեջանի կազմում:
ՔՊ պատգամավոր Հրաչյա Հակոբյանն արձագանքեց, որ ԱԺ ընդդիմադիր պատգամավորները կարծիքներ են հնչեցնում, որոնք խորապես չեն արտացոլում արդի իրականության գնահատականը և չեն բխում ՀՀ-ի, Արցախի Հանրապետության իրավիճակից և կարգավորումներից և լարվածության թուլացմանն ուղղված չեն:
«Ընդդիմադիրների շատ հայտարարություններ և գնահատականները նաև հաճախ ունենում են ոչ ցանկալի հետևանք»,-ասաց Հակոբյանը:
ՔՊ պատգամավոր Խաչատուր Սուքիասյանն էլ հավելեց, որ Արցախի ներկայիս իրավիճակի մեջ պատասխանատվություն ունեն 30 տարվա իշխանությունները:
Հանձնաժողովի նախագահ Արմեն Գևորգյանը նկատեց, որ Հայաստանում չի գտնվի մի խելամիտ մարդ, որը կցանկանար պատերազմել հարևանների հետ:
«Որպեսզի հարևանների հետ պատերազմ չլինի, պետք է երկրի ներսում լինի համերաշխություն, խաղաղություն, փոխըմբռնում, բայց մենք, ցավոք սրտի, հեռու ենք այդ իրավիճակից»,-ասաց նա:
Հարակից հրապարակումներ`
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
