Ձեր վստահելի աղբյուրը

Ստամբուլում կայացած բանակցությունների ընթացքում Ռուսաստանը գրավոր առաջարկներ է ստացել Ուկրաինայից, որոնք հաստատում են չեզոք և ոչ միջուկային կարգավիճակի Ուկրաինայի նպատակը։ Այս մասին հայտարարել է Ռուսաստանի Դաշնության պատվիրակության ղեկավար, ՌԴ նախագահի օգնական Վլադիմիր Մեդինսկին, փոխանցում է RG-ն։

«Մենք գրավոր առաջարկներ ենք ստացել Ուկրաինայից, որոնք հաստատում են չեզոք և ոչ միջուկային կարգավիճակ ունենալու իրենց ցանկությունը՝ հրաժարվելով արտադրել և տեղակայել զանգվածային ոչնչացման բոլոր տեսակի զենքեր, այդ թվում՝ քիմիական եւ մանրէաբանական, և արգելել օտարերկրյա ռազմաբազաների և զորքերի առկայությունը»,- ասել է Մեդինան։

Նրա խոսքով՝ Ուկրաինան հրաժարվում է միանալ ռազմական դաշինքներին, օտարերկրյա ռազմակայաններ տեղակայելուն,նաև Ուկրաինայի տարածքում զորավարժություններ անցկացնելուն՝ առանց երաշխավոր երկրների, այդ թվում՝ Ռուսաստանի հետ համաձայնության։ 

Մեդինսկին նշել է,որ Ուկրաինայի պնդած անվտանգության երաշխիքները չեն տարածվում Ղրիմի և Սևաստոպոլի վրա, ինչը նշանակում է, որ Կիևը հրաժարվում է Ղրիմն ու Սևաստոպոլը ռազմական ճանապարհով վերադարձնելու ցանկությունից ՝ հայտարարելով, որ դա հնարավոր է միայն բանակցությունների միջոցով։

«Իհարկե, դա ոչ մի կերպ չի համապատասխանում մեր դիրքորոշմանը, սակայն Ուկրաինան ձևակերպել է իր մոտեցումը»,- ասել է Մեդինսկին։ 

Նա նաև ուշադրություն է դարձրել, որ Ռուսաստանը դեմ չԷ Ուկրաինայի անդամակցությանը Ոչ ռազմական դաշինքներին։ «Ռուսաստանի Դաշնությունը չի առարկում Եվրամիությանն անդամակցելու Ուկրաինայի ձգտմանը», - նշել է ՌԴ պատվիրակության ղեկավարը: