Անկախ իմ վերաբերմունքից գեներալ Փիլոյանի նկատմամբ, պետությունը փորձում է ոչնչացնել հերոսական կերպարները. Աբրահամյան
«Կա իրավիճակ, պաշտոնատար անձ, ով այս պահին ձերբակալված է, ում պատերազմի արդյունքում տրվել է Հայաստանի ազգային հերոսի կոչում։ Տեսեք, լրահոսում հայտնվող արտահոսքերը, որոնք ակնհայտորեն կենտրոնական իշխանության կողմից են արվում առ այն, որ այդ մարդու տանից հայտնաբերվում է ԱԻՆ բալանսում գտնվող ջեռուցման կաթսա»,- ասուլիսում ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը՝ խոսելով արտակարգ իրավիճակների նախարար Անդրանիկ Փիլոյանին առաջադրված մեղադրանքի մասին։
Նա նշեց, որ այստեղ խնդիրը միայն հնարավոր հանցագործությունը չէ, չի ուզում անմեղության կանխավարկածը խախտել, այլ նաև պետության մոտեցումը այն մարդու նկատմամբ, ում իրենց օրոք ազգային հերոսի կոչում է տրվել։
«Խնդիրն ոչ թե այն է, որ պետք է բացառություններ անել, եթե մարդը հերոս է, մարտական գործողությունների մասնակից, այլ խնդիրն այն է, թե պետությունն ինչպես է այդ մարդկանց ոչնչացնում։
Անկախ իմ վերաբերմունքից կոնկրետ գեներալ Անդրանիկ Փիլոյանի նկատմամբ, պետությունը փորձում է ոչնչացել մարդկանց, ոչնչացնել հերոսական կերպարները»,- ասաց Աբրահամյանը։
Նրա խոսքով, հասարակության համար միգուցե հակասական էր հերոսի կոչումներ տալը, շռայլելը, հատկապես այն պարագայում, երբ հայկական կողմը պարտվել էր պատերազմում, ունեցել այդքան զոհեր, բայց մեկ այլ խնդիրն այն է, թե պետությունն ինչպես է սերունդների համար կոտրում, ջարդում հերոսի կերպարը և այս պարագայում իր համար ցավալի է նայել այս տեսարանը։
«Այս իշխանության բարոյական նկարագրի պայմաններում, բոլոր այն մարդիկ, ովքեր նույնիսկ մտածել են իրենց փրկելու համար գնալ և համագործակցել այս իշխանությունների հետ, նրանց այս իշխանությունը պատժելու է։ Այն մարդիկ, ովքեր 2018 թվականին կամ պատերազմից հետո մտածել են, որ այս իշխանությունների հետ համագործակցությամբ կարող ենք իրենց փրկել, իրենց ունեցվածքը փրկել, իրենց արածների կամ չարածների համար պատասխան չտալ, այս իշխանությունը իրենց բոլորին լավ էլ պատժում է և սա առաջին դեպքը չէ, երբ այդ պահին իրենց համար կարևորություն ներկայացնող անձին փառաբանում են, կոչումներ են տալիս, ուռճացնում են կերպարը, բայց կարճ ժամանակ անց հաջորդ փուլում միանգամից ոչնչացնում»,- ասաց Տիգրան Աբրահամյանը։
Հարակից հրապարակումներ`
- Փիլոյանի՝ Արցախ այցի մասին Ալիևը նոր է իմացել, հակառակ դեպքում ջեռուցման կաթսան կամ մի հատ սրճեփ նրա տնից շուտ կհայտնաբերվեր. Ղազարյան
- Անդրանիկ Փիլոյանին մեղադրանք է առաջադրվել. Միջնորդել են նրան կալանավորել
- Արսեն Բաբայան. Այդպես էլ չիմացանք, թե Փիլոյանն ինչ սխրանքի համար հերոս հռչակվեց
- Անդրանիկ Փիլոյանը ձերբակալվել է
- ԱԻՆ նախարար Անդրանիկ Փիլոյանը հրավիրվել է Հակակոռուպցիոն կոմիտե
Լրահոս
Տեսանյութեր
ԱԺ նիստը մեկնարկեց մեկ րոպե լռությամբ՝ ի հիշատակ պատգամավոր Մհեր Սահակյանի
