Ձեր վստահելի աղբյուրը

«Իմ և պարոն Ռուբինյանի խոսակցության հիմնական թեման այն է եղել, որ իշխանական վակուումը պետք է լրացվի և ԱԺ-ն, որպես խորհրդարանական վերահսկողական օրգան, ինչո՞վ է զբաղվում, երբ այլ իրավիճակ է երկրում, երբ երկրի ղեկավարն ասում է, որ լարվածությունը կարող է տանել պատերազմական գործողություններին»,-ԱԺ-ում հայտարարեց «Հայաստան» խմբակցության ղեկավար Սեյրան Օհանյանը՝ Արձագանքելով Ռուբեն Ռուբինյանի հայտարարությանը, թե ընդդիմությունը մերջել է ԱԺ խորհրդում Փաշինյանի հետ հանդիպում կազմակերպելուն:

Նա նկատեց, որ վերջին գումարման ԱԺ գործունեության ժամանակ սահմանային իրավիճակի, անվտանգության հարցերով, որևէ նախաձեռնությամբ ՔՊ-ն հանդես չի եկել:

«Երեկ ես ինքս եմ զանգահարել պարուն Ռուբինյանին և ասել՝ բերեք ԱԺ  խորհրդի նիստ անցկացնենք և մենք ինքներս ճշտենք, թե ինչով պետք է զբաղվի ԱԺ-ն, խորհուրդը, դրանից հետո նոր որոշենք, թե ինչ վերահսկողություն պետք է վարվի գործադիրի նկատմամբ»,-ասաց Օհանյանը:

Նրա տեղեկացմամբ՝ Ռուբինյանն իրեն հայտնել, որ Նիկոլ Փաշինյանը ուզում է գալ և ԱԺ խոհրդին ներկայացնել իրավիճակը:

«Մենք այսօր խորհրդի նիստում առաջարկել ենք, որ ներկայացվի այն բոլոր անվտանգության և արտաքին քաղաքականության վերաբերյալ բոլոր փաստաթղթերը, որնք շրջանառության մեջ են այսօր, որից հետո «Հայաստան» խմբակցությունը կորոշի, թե ի՞նչ ձևաչափով հրավիրել գործադիրի ներկայացուցիչներին»,-հատնեց ընդդիմադիր պատգամավորը և հավելեց. «Մեր կողմից եղել է այսպիսի պատասխան՝ դեմ ենք խորհրդում վարչապետի ներկայանալուն, փաստաթղթերն ուսումնասիրելուց հետո ի՞նչն է խանգարում, որ վարչապետը 107 պատգամավորի ներկայությամբ ներկայացնի իրավիճակը»:

Սեյրան օհանյանի խոսքվ իրավիճակին ռեալ նախձեռնողական գնահատական տալու փոխարեն պատգամավորները նորից զբաղված են  երկրորդական խնդիրենրով:

Արծվիկ Մինասյանը 20 րոպե ընդմիջում խնդրեց, որպեսզի քննարկեն Սեյրան Օհանյանի և Ռուբեն Ռուբինյանի առաջարկները, սակայն ընդմիջումից հետո ոչ մի պարզաբանում չտրվեց հարցի վերաբերյալ:

Արծվիկ Մինասյանն էլ հայտարարեց, որ ընդդիմությոընը չի մասնակցի օրենքի նախագծի քվեարկությանը և քննարկմանը: