Ձեր վստահելի աղբյուրը

ԱԺ-ն ընդունեց «Տեղական ինքնակառավարման մասին» օրենքում փոփոխություններ և լացումներ կատարելու մասին օրենքի նախագիծը

Մինչ երկրորդ ընթերցմամբ քննարկման նիստի սկսվելը Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նիստում «Հայաստան» խմբակցության պատգամավոր Աշոտ Սիմոնյանը խմբակցության անունից առաջարկել էր, որ համայնքի ղեկավարի ընտրության անհնարինության դեպքում վարչապետը համայնքապետի պաշտոնակատար նշանակի ոչ թե ցանկացած անձի, այլ ընտրության արդյունքում առավելագույն ձայն հավաքած կուսակցության, կամ դաշինքի ներկայացուցչին:

Օրենքի համահեղինակ ՔՊ պատգամավոր Վահագն Հովակիմյանը մերժեց առաջարկը, ինչին հետևեց Աշոտ Սիմոնյանի ելույթը, որում նա հայտարարեց, որ օրենքի նախագծի ընդունումը բացառապես Իշխանության քաղաքական շահերն է սպասարկում:

Օգտվելով առիթից, որ ընդդիմությունը ԱԺ նիստը բոյկոտում էր՝ Վահագն Հովակիմյանը, արդեն ԱԺ դահլիճում, առանց ներկայացնելու ընդդիմության առաջարկը, հայտարարեց, թե «Հայաստան» խմբակցության առաջարկը քաղաքական նպատակներ էր հետապնդում, դրա համար էլ մերժվեց:

ԱԺ ՔՊ խմբակցությունը 57 կողմ ձայներով ընդունեց «Տեղական ինքնակառավարման մասին» օրենքում լացումներ կատարելու մասին նախագիծը, որում ասվում է.

«Եթե օրենքով միավորված համայնքի ավագանու առաջին նիստն ավագանու լիազորությունները ստանձնելու պահից քսան օրվա ընթացքում չի գումարվում կամ սույն օրենքի 69-րդ հոդվածի 2-րդ մասով սահմանված կարգով այդ ավագանու լիազորությունները վաղաժամկետ դադարեցվում են, ապա Հայաստանի Հանրապետության վարչապետը նշանակում է համայնքի ղեկավարի պաշտանակատար՝ մինչև օրենքով սահմանված կարգով նորընտիր համայնքի ղեկավարի լիազորությունների ստանձնումը»:

Նկատենք՝ քննարկման ժամանակ նախագահության մեծ մասը հեռախոսների մեջ էր (լուսանկարում)։