Մեդվեդևն ներկայացրել է Ուկրաինայում հատուկ գործողությունից հետո Ռուսաստանի նպատակը

Քաղաքական 12:04 05/04/2022 Աշխարհում

Մեդվեդևն ներկայացրել է Ուկրաինայում հատուկ գործողությունից հետո Ռուսաստանի նպատակը

Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը հայտնել է, թե ինչին պետք է ուղղված լինի Ռուսաստանի քայլերն Ուկրաինայում հատուկ ռազմական գործողության ավարտից հետո։ Այս մասին նա գրել է Telegram-ի իր ալիքում։

Քաղաքական գործիչը հիշեցրել է, որ ՌԴ նախագահ Վլադիմիր Պուտինը հատուկ գործողության մեկնարկի ժամանակ հրահանգել է ապառազմականացնել և ապազգայնացնել Ուկրաինան։ Նա ընդգծեց, որ դրանք բարդ խնդիրներ են, որոնք հնարավոր չէ արագ լուծել և դրանք կլուծվեն «ոչ միայն մարտի դաշտերում»։

«Այսօրվա ուկրաինացիների մի մասի արյունոտ ու կեղծ առասպելներով լի գիտակցությունը փոխելն ամենակարևոր նպատակն է, որը հենց ուկրաինացիների ապագա սերունդների խաղաղության համար է, ինչպես նաև այն հնարավորություն է վերջնականապես կառուցելու բաց Եվրասիա՝ Լիսաբոնից մինչև Վլադիվոստոկ»,-գրել է Մեդվեդևը։

Հիշեցնենք, որ փետրվարի 24-ին Վլադիմիր Պուտինը հեռուստաուղերձում հայտարարել էր, որ ի պատասխան Դոնեցկի և Լուգանսկի ժողովրդական հանրապետությունների (ԿԺԴ և ԼԺՀ) առաջնորդների կոչին, որոշել է Դոնբասի պաշտպանության գործողություն իրականացնել։ Ռուսաստանի ղեկավարն ընդգծել է, որ Մոսկվայի ծրագրերը չեն ներառում ուկրաինական տարածքների օկուպացիան։

Դրանից հետո Ուկրաինայի նախագահ Վլադիմիր Զելենսկին մեղադրել է Ռուսաստանին երկրի ռազմական ենթակառուցվածքին հարվածելու մեջ և ռազմական դրություն մտցրել ամբողջ երկրում։

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: