Ձեր վստահելի աղբյուրը

ԱՄՆ իշխանությունները կարծում են, որ այն երկրները, որոնք կշրջանցեն հակառուսական պատժամիջոցները կամ կաջակցեն Ռուսաստանի Դաշնությանը Ուկրաինայում ռազմական գործողություններում, կբախվեն լուրջ հետևանքների։ ՏԱՍՍ-ի փոխանցմամբ՝ այդ մասին երկուշաբթի հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Նեդ Փրայսը։

«Առանց որևէ կոնկրետ երկիր նշելու, մենք հստակ հասկացրել ենք, որ այն պետությունները, որոնք փորձում են շրջանցել ԱՄՆ-ի և մեր դաշնակիցների ու գործընկերների կողմից սահմանված պատժամիջոցները, կամ այլ կերպ փորձում են աջակցել Կրեմլի ռազմական գործողություններին՝ ֆինանսական աջակցություն տրամադրելով, զենքեր մատակարարելով, կբախվեն հետևանքների»,-ասել է նա և հավելել. «Նրանք կբախվեն հետևանքների պատժամիջոցները շրջանցելու կամ այլ գործողությունների ցանկացած փորձի համար, որոնք կօգնեն Մոսկվային պատերազմի վարման հարցում»։