Ձեր վստահելի աղբյուրը

Եվրամիությունը հավատարիմ է Կովկասում լարվածության թուլացման ուղղությամբ Հայաստանի և Ադրբեջանի հետ խորը համագործակցության հաստատմանը և պատրաստ է աջակցել կողմերին՝ կազմակերպելով փորձագիտական խորհրդատվություններ և ավելացնելով ֆինանսական օգնությունը։ ՏԱՍՍ-ի փոխանցմամբ՝  չորեքշաբթի օրը հրապարակվել է Եվրոպական խորհրդի նախագահ Շառլ Միշելի համապատասխան հայտարարությունը Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ եռակողմ հանդիպմից հետո։

Միշելը վերահաստատեց ԵՄ-ի հանձնառությունը խորացնելու համագործակցությունը Հայաստանի և Ադրբեջանի հետ՝ սերտորեն համագործակցելու լարվածությունը հաղթահարելու անվտանգ, կայուն, խաղաղ և բարգավաճ Հարավային Կովկասի համար՝ ի շահ տարածաշրջանում ապրող բոլոր մարդկանց: Եվրոպական խորհրդի նախագահն ընդգծել է հումանիտար հարցերի «ամբողջական և արագ լուծման անհրաժեշտությունը», այդ թվում՝ «ռազմագերիներ ազատ արձակումը և անհայտ կորածների խնդրի համապարփակ լուծումը»։

Բացի այդ, Միշելն ընդգծել է, որ «ռազմական ուժերի՝ միմյանցից պատշաճ հեռավորության ապահովումը կարևոր տարր է տարածաշրջանում բախումների կանխման և լարվածության նվազեցման համար»։ Եվրամիությունն իր հերթին «կշարունակի աջակցել Ադրբեջանի և Հայաստանի միջև վստահության ամրապնդման միջոցառումներին, ինչպես նաև տարածքների ականազերծման հումանիտար ջանքերին, այդ թվում՝ «փորձագիտական խորհրդատվություն տրամադրելու և ֆինանսական օգնության մեծացման միջոցով»: Միշելը մատնանշել է հակամարտությունից տուժած բնակչությանն աջակցություն ցուցաբերելու կարևորությունը, ներառյալ «մարդկանց բժշկական վերականգնգնողական օժանդակությունը և շենքերի վերանորոգումը»: