Ձեր վստահելի աղբյուրը

Վրաստանի խորհրդարանի նախագահ Շալվա Պապուաշվիլին ասել է, որ նպատակահարմար չի գտնում իր ուկրաինացի գործընկեր Ռուսլան Ստեֆանչուկի հրավերով այցելել Բուչա՝ Թբիլիսիի դեմ Կիևի գործողությունների պատճառով։ Լուրը հաղորդում է ՏԱՍՍ-ը:

«Կցանկանայի, որ ուկրաինայի իշխանությունների առանձին ներկայացուցիչներ լիովին կիսեին այն աջակցությունը, որը վրաց ժողովուրդը և Վրաստանի իշխանությունները ցուցաբերում են Ուկրաինային և ուկրաինացի ժողովրդին: Մեր երկրների փոխաջակցությունն ու գործընկերությունը իսկապես արժանի չեն Ուկրաինայի բարձրաստիճան պաշտոնյաների այն փորձերին, որոնցով նրանք ցանկանում են անջատել Վրաստանի ժողովրդին իշխանություններից, պահանջում են բացել երկրորդ ճակատ, անհիմն դիվանագիտական դեմարշներ են անում, մաքսանենգության անհիմն մեղադրանքներ հնչեցնում կամ ուկրաինայի ժողովրդի դժբախտության վրա ձեռքերը տաքացնելու փորձի մեջ մեզ մեղադրում։ Ինչպես ասվում էր գործընկերոջս նախորդ հայտարարության մեջ։ Այս հարցերի պարզաբանման բացակայության ֆոնին, կարծում եմ, տեղին չի հնչում Բուչա այցելելու պաշտոնական հրավերքը»,-ասվում է Պապուաշվիլիի հայտարարության մեջ։

Վրաստանի վարչապետ Իրակլի Ղարիբաշվիլին փետրվարի 25-ին հայտարարել էր, որ հանրապետությունը չի նախատեսում պատժամիջոցներ կիրառել Ռուսաստանի դեմ՝ կապված Ուկրաինայում տիրող իրավիճակի հետ։ Այս երկրի նախագահ Վլադիմիր Զելենսկին մարտի 1-ին Թբիլիսիից հետ է կանչել դեսպանին խորհրդակցությունների համար։

Հիշեցնենք, որ փետրվարի 24-ին Վլադիմիր Պուտինը հեռուստաուղերձում հայտարարել էր, որ ի պատասխան Դոնեցկի և Լուգանսկի ժողովրդական հանրապետությունների (ԿԺԴ և ԼԺՀ) առաջնորդների կոչին, որոշել է Դոնբասի պաշտպանության գործողություն իրականացնել։ Ռուսաստանի ղեկավարն ընդգծել է, որ Մոսկվայի ծրագրերը չեն ներառում ուկրաինական տարածքների օկուպացիան։

Դրանից հետո Ուկրաինայի նախագահ Վլադիմիր Զելենսկին մեղադրել է Ռուսաստանին երկրի ռազմական ենթակառուցվածքին հարվածելու մեջ և ռազմական դրություն մտցրել ամբողջ երկրում։