Ձեր վստահելի աղբյուրը

Ըստ Վիճակագրական կոմիտեի հրապարակած վերջին տվյալների՝ Հայաստանի սպառողական շուկայում 12-ամսյա գնաճը (2022թ. մարտը 2021թ. մարտի նկատմամբ) կազմել է 7.4%, իսկ նախորդ ամսվա նկատմամբ՝ 1.8%:

Հրապարակված վիճակագրության մեջ ասվում է, որ 2022թ. հունվար-մարտին սպառողական գների միջին ամսական հավելաճը կազմել է 1.2%՝ նախորդ տարվա նույն ժամանակահատվածում արձանագրվել է 1.3%-ի դիմաց:

Հանրապետության դիտարկվող բոլոր քաղաքներում 2022թ. մարտին փետրվարի համեմատ սպառողական գներն աճել են 1.3-1.9%-ով, և ամենաբարձր ցուցանիշն արձանագրվել է մայրաքաղաքում:

Վիճակագրական կոմիտեն հայտնում է, որ 2022թ. մարտին 2021թ. մարտի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 12.8%, իսկ 2022թ. փետրվարի համեմատ՝ 2.3% գնաճ:

«Հացի, ալյուրի և մակարոնեղենի գները 2022թ. մարտին 2021թ. մարտի համեմատ աճել են համապատասխանաբար 12.3%, 10.8% և 18.2%-ով, իսկ 2022թ. փետրվարի համեմատ՝ 3.0%, 3.8% և 8.1%-ով: Հաճարի, բրնձի, ոսպի, և հնդկացորենի գները 2022թ. մարտին 2021թ. մարտի համեմատ աճել են համապատասխանաբար 16.2%, 16.8%, 28.0%, 37.2%, իսկ 2022թ. փետրվարի համեմատ՝ 4.1%, 4.6%, 6.2% և 8.4%-ով: 2022թ. մարտին 2021թ. մարտի համեմատ հանրապետությունում գրանցվել է թարմ կաթի և կարագի՝ համապատասխանաբար 9.5% և 10.7%, իսկ 2022թ. փետրվարի համեմատ՝ 2.1% և 4.1% գնաճ: Թռչնամսի, գառան և տավարի մսերի գները 2022թ. մարտին 2021թ. մարտի համեմատ աճել են համապատասխանաբար 7.4%, 7.5% և 9.1%-ով, իսկ 2022թ. փետրվարի համեմատ՝ 1.5%, 1.8% և 1.3%-ով: 2022թ. մարտին 2021թ. մարտի համեմատ հանրապետությունում արձանագրվել է շաքարի և շաքարավազի 24.7%, իսկ 2022թ. փետրվարի համեմատ՝ 7.9% գնաճ»,-ներկայացված է վիճակագրական տեղեկանքում: