Ձեր վստահելի աղբյուրը

Ֆրանսիայի արտաքին գործերի նախարար Ժան-Իվ Լը Դրիանն ուրբաթ օրը դատապարտել է փախստականների տարհանման ժամանակ Կրամատորսկի երկաթուղային կայարանի հրթիռակոծությունը ՝ այն անվանելով «մարդկության դեմ հանցագործություն»։ Այդ մասին Հայտնում է ՏԱՍՍ-ը:

«Գնացքների կայարանում հարված է հասցվում փախստականների, քաղաքացիական անձանց վրա, այն համապատասխանում է մարդկության դեմ հանցագործության»,-ասել է նախարարը France 5 հեռուստաալիքի եթերում։

«Նման հանցագործությունները չեն կարող անպատիժ մնալ։ Դրանք պետք է արագ փաստաթղթավորվեն, պատրաստվեն ներկայացվեն հանրությանը, որպեսզի հետագայում ապացույցներ ներկայացվեն մարդկության դեմ հանցագործությունների մասին»,-ասել է նա և պարզաբանել է, որ ապացույցների հավաքումն անհրաժեշտ է Միջազգային քրեական դատարան փոխանցելու համար։

Ուրբաթ օրն առնվազն 50 մարդ է զոհվել և մոտ 100-ը՝ վիրավորվել Կրամատորսկի երկաթուղային կայարանի հրթիռակոծության հետևանքով, որը վերահսկվում է ուկրաինական ուժերի կողմից։

Ինչպես ուրբաթ օրը հայտարարել են ՌԴ ԱԳՆ-ից, Կրամատորսկի երկաթուղային կայարանը «Տոչկա-Ու» հրթիռով խոցման մեջ Ուկրաինայի զինված ուժերի մեղքի ապացույցներն ակնհայտ են: Կիևի նման անմարդկային գործողությունները հաստատում են ռուսական զինուժի հատուկ գործողություննեերի հիմնավորվածությունը: Ապրիլի 8-ին Ուկրաինայի զինված ուժերը հարվածներ են հասցրել Կրամատորսկի երկաթուղային կայարանին, նշել է ՌԴ ԱԳՆ-ն և վստահեցրել, որ Կիևին չի հաջողվի խուսափել Կրամատորսկում խաղաղ բնակիչների գնդակոծման պատասխանատվությունից։