Ձեր վստահելի աղբյուրը

Քաղաքացիները շարունակում են Հայաստանի տարբեր քաղաքներում տեղադրել Արցախի դրոշը:

 «Վեդի ոտքի հանուն Արցախի», « Արցախը մերն է և մերն է լինելու»  վանկարկումներով այս անգամ Արցախի դրոշը «շարժվեց» Վեդի համայնք։

«Մեր պայքարը հանուն հայրենիքի պայքար է, մեր պայքարն Արցախի համար է, որը երբեք թույլ չենք տալու լինելու Ադրբեջանը կազմում»,-բարձրաձայնեցին քաղաքացիները՝ Վերդի համայնքում ծածանելով Արցախի դրոշը։

«Այս պահին տեղի կունենա Վեդի համայնքում Արցախի դրոշի ծածանման արարողությունը»,- հայտարարեց ՀՅԴ  ներկայացուցիչ Գերասիմ Վարդանյանը և հավելեց․

«Մենք այստեղ հավաքվել ենք ևս մեկ անգամ ապացուցելու համաշխարհային հանորւթյանը,որ մենք չենք հանդուրժելու կուլիսներում բանակցությունները և Արցախի շուրջ ոչ հայանպաստ որոշումները։ Մենք պայքարելու ենք մինչև վերջ , մինչև վերջին կաթիլ արյունը՝ հանուն Արցախի և արցախահայության, հանուն Հայաստանի և հայության արժանապատվության։ Արցախը հայ ժողովրդի արժանապատվության վերջին գիծն է և մենք այդ գիծը թույլ չենք տալու հատել՝ ոչ միջազգային և ոչ էլ թուրքահպատակ իշխանություններին»։