Ձեր վստահելի աղբյուրը

Ապրիլի 10-ին լույս աշխարհ է եկել 44 օրյա պատերազմում անմահացած Կարեն Միրզոյանի եղբայրը։ Փոքրիկին՝ ի պատիվ եղբոր, անվանակոչել են Կարեն։ Լուրը հայտնել է Կարենի քույրը՝ Ալիսա Միրզոյանը։

Կարեն Միրզոյանը ծնվել է 2000 թվականի դեկտեմբերի 23-ին Մեղրու տարածաշրջանի Ագարակ քաղաքում: Զբաղվում  ըմբշամարտով,  Վրաստանում, Ռուսաստանում և Իրանում մասնակցել է մրցումների՝ գրավելով առաջին և երկրորդ տեղերը։

2019 թվականին Կարենը ընդունվել է Ագրարային համալսարան, առաջին կուսից ուսումը կիսատ է թողել և 2019 թվականի հունվարի 25-ին զորակոչվել է բանակ։ Ծառայությունն անցել է Արցախում, Ստեփանակերտի «Ցոր» զորամասում:

44-ամյա պատերազմի ժամանակ Կարենին տեղափոխել են Աղդամ (Ակնա)՝ 3 օր այնտեղ մնալուց հետո՝ Հադրութ, իսկ նոյեմբերի 7-ին՝ Շուշի։

Հարցազրույցներից մեկում Կարենի քույրը՝ Ալիսան պատմել է.

«Կարենի հետ վերջին անգամ խոսել ենք նոյեմբերի 7-ի առավոտյան։ Նոյեմբերի 7-ի ցերեկվանից արդեն բավականին լարված է եղել Շուշիում։ Իրենց սպան ինչ-որ պատճառաբանությամբ մենակ է թողնում զինվորներին և լքում դիրքը։ Եղբայրս 3 տեղից վիրավոր է եղել, բայց շարունակել է մարտին մասնակցել։ Ոտքից ու կրծքավանդակի հատվածում էր վիրավորվել։ Այնուհետև ընկնելով շրջափակման մեջ և օգնություն չստանալով հրամանատարից՝ Կարենն ու իր ընկերը՝ Նարեկը, ինքնասպան են լինում, որ գերի չընկնեն, կամ հակառակորդի ձեռքով չսպանվեն»։