Ձեր վստահելի աղբյուրը

«Քաղաքացիական պայմանագիր» խմբակցության պատգամավոր Գևորգ Պապոյանն ԱԺ-ում հայտարարությունների ժամին ներկայացրեց տնտեսական մի քանի ցուցանիշներ, որոնց համաձայն իրենց իշխանության ժամանակ ավելի շատ հարկ է հավաքագրվել, ավանդների ծավալներն են ավելացել։

Այնուհետև նա նշեց, որ Հայաստանում արձանագրվել է գնաճ։ 

«Այո, գնաճ կա։ Սա դարձրել են մատի փաթաթան և փորձում են ներկայացնել, թե գնաճը միայն Հայաստանին բնորոշ երևույթ է, կառավարության ոչ բավարար աշխատանքի շնորհիվ է, որ այդպիսի բարձր գնաճ է արձանագրվել։  Վերջես ՏՀԶԿ  երկրներում միջին գնաճի տեմպն էին դիտարկել, պարզվել էր, որ 1990 թվականից ի վեր  ամենաբարձր գնաճն է արձանագրված՝ միջինացված 7,7 տոկոս։  Նույն ժամանակահատվածում Հայաստանում գնաճը  7,4 տոկոսն էր, այսինքն ավելի քիչ, քան այդ երկրներում»,- ասաց ՔՊ-ական պատգամավորը։

Նա կրկնեց, որ Հայաստանում կա գնաճ, միաժամանակ ընդգծելով, որ այստեղ նույնպես կա  հուսադրող բան. «Հայաստանում գնաճն աշխարհի երկրների մեծ մասի համեմատ բավականին ցածր է և  համեմատության մեջ բավականին լավ վիճակում ենք մեկ գտնվում»։