Ձեր վստահելի աղբյուրը

Սյունիքի մարզի Սիսիան քաղաքում քիչ առաջ Հայաստանի Հանրապետական և Հայ Հեղափոխական Դաշնակցություն կուսակցությունների անդամների, ինչպես նաև՝ ԱԺ ընդդիմադիր պատգամավորների մասնակցությամբ բարձրացվեց Արցախի դրոշը:

«Շատ ուրախ ենք, որ դրոշը գտնվում է Սյունիքում։ Մեր Սիսիանի պարծանքն է»,- ասաց Սիսիանի տարեց բնակիչը։

«Հայաստան» խմբակցության պատգամավոր Արծվիկ Մինասյանն էլ նշեց․ «Արցախի դրոշը մեր ազատագրական պայքարի խորհրդանիշն է, որն այսօր վիրավոր է այս իշխանության ուղիղ մեղսակցությամբ։ Այն կարիք ունի հայոց պետականության և հայ ժողովրդի աջակցության»։

«Հայաստան» խմբակցության ղեկավար Սեյրան Օհանյանի խոսքով՝ այսօվա խորհուրդը, ինչպես ՀՀ մյուս տարածքներում, այնպես էլ՝ Սիսիանում, Արցախի դրոշի բարձրացումն է:

«Սատար կանգնենք Արցախին: Ի սկզբանե մենք հասկանում ենք, որ յուրաքանչյուր պետության, կամ պետական, զորամասային մարտական դրոշը պատվի, արժանապատվության, փառքի խորհրդանիշ է և այն անցած ճանապարհի, որ միասնական տարել ենք մեր ողջ պատմության ընթացքում, հասել հաղթանակների»,- նշեց Օհանյանը։

Ավելի մանրամասն՝ տեսանյութում։