Ձեր վստահելի աղբյուրը

ԱԺ «Քաղաքացիական պայմանագիր» խմբակցության պատգամավորներն օգտվելով ընդդիմադիր պատգամավորների բացակայությունից, գրեթե առանց ելույթների և հարցերի, կայծակնային արագությամբ իրականացնում են ԱԺ օրակարգում ընդգրկված նախագծերի ընդունման գործընթացը:

Քննարկման իմիտացիա անելու համար ՔՊ-ական պատգամավորները ԱԺ դահլիճում օրենքի նախագծի հեղինակներին ուղղում են այն նույն հարցերը, որոնք հնչեցրել էին գլխադասային հանձնաժողովի նիստում և ստացել սպառիչ պատասխաններ, իսկ պատասխանող կողմն էլ նույն էնտուզիազմով կրկնում է նույն հիմնավորումները, որոնք տվել էր նույն ՔՊ պատգամավորներին հանձնաժողովում կազմակերպված քննակման ժամանակ:

Առանց «Հայաստան» և «Պատիվ ունեմ» խմբակցության պատգամավորների մասնակցությանԱԺ աշխատանքներն այնպիսի աբսուրդային ընթացք են ստացել, որ անգամ օրինագծերի հեղինակները լքում են ԱԺ դահլիճն իրենց ներկայացրած նախագծերի քննարկման ժամանակ: Մասնավորապես՝ Հողային օրենսգրքում փոփոխություններ կատարելու մասին նախագիծ ներկայացրած Վաղարշակ Հակոբյանն օրինագծի վերաբերյալ ամփոփիչ ելույթ չունեցով, քանի որ ԱԺ դահլիճում չէր և նիստը նախագահող Ռուբեն Ռուբինյանը ստիպված էր նախագծի քննարկումն ավարտված համարել: