Ձեր վստահելի աղբյուրը

Արտակարգ իրավիճակների նախարար է նշանակել Արմեն Փամբուխչյանը։

«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.

Արմեն ՓԱՄԲՈՒԽՉՅԱՆԻՆ նշանակել արտակարգ իրավիճակների նախարար»,- նշված է նախագահ Վահագն Խաչատուրյանի ստորագրած հրամանագրում։ 

Հիշեցնենք, որ նա  արտակարգ իրավիճակների նախարարի առաջին տեղակալն էր, այդ պաշտոնից ազատվել է երեկ։ 

Հիշեցնենք նաև, որ արտակարգ իրավիճակների նախարար Անդրանիկ Փիլոյանը կալանավորված է։ Նրան մեղադրանք է առաջադրվել ՀՀ քրեական օրենսգրքի 311-րդ հոդվածի 3-րդ մասի 3-րդ կետով /3 դրվագ/: Քննիչի որոշմամբ վերջինս 30.03.2022թ.-ին ձերբակալվել էր: Նույն օրը միջնորդություն էր ներկայացվել Երևանի ընդհանուր իրավասության դատարան` նրա նկատմամբ կալանավորումը որպես խափանման միջոց ընտրելու համար, դատարանը բավարարել ր միջնորդությունը։

Քրեական օրենսգրքի 311 հոդվածը սահմանում է.

«Պաշտոնատար անձի կողմից կաշառք ստանալը` կաշառք տվողի կամ նրա ներկայացրած անձի օգտին ակնհայտ ապօրինի գործողության կամ անգործության համար, որը կատարվել է`

1) շորթմամբ,

2) մի խումբ անձանց կողմից նախնական համաձայնությամբ,

3) խոշոր չափերով`

պատժվում է ազատազրկմամբ` չորսից տասը տարի ժամկետով` գույքի բռնագրավմամբ կամ առանց դրա»։