Ձեր վստահելի աղբյուրը

ՍԴ աշխատակազմի նախկին ղեկավար Էդգար Ղազարյանը «Հայելի» մամուլի ակումբում անդրադարձել է ՀՀ արտաքին քաղաքականության հարցերին և քաղաքական իշխանության ներկայացուցիչների հայտարարություններին:

«Սրանք ամենամեծ չարիքն են մեր ժողովրդի 5 հազար տարվա պատմության մեջ: Մենք պետք է դուրս գանք սրա դեմ պայքարի: Երբ Արևմտյան Հայսատանում ցեղասպանության էին ենթարկում մեր հայրենակիցներին, մարդիկ դուրս էին գալիս ազատագրական պայքարի: Հիմա մենք պետք է դուրս գանք ֆիդայական, գաղափարական պայքարի: Մենք պետք է ազատագրենք մեր ժողովրդին, մենք պարտավորություն ունենք:

Իմ հայրը եղել է առանցքային պետական գործիչ, նա պայքարել՝ երիտասարդ տարիքում մահացել է և ինձ հայրենիք է ժառանգել, ես էլ պարտավորություն ունեմ իմ որդուն հայրենիք ժառանգել: Սրանք ովքե՞ր են, որ խափանեն մեր ժողովրդի բնականոն, հավերժական ընթացքը: Սրանք ոչ հասարակական վստահություն ունեն, ոչ գաղափարների կրող են: Խեղճացել ընկել են թուրքի ոտքերի տակ, մեզ էլ հետներն են քարշ տալիս: Ոչ մի պարագայում: Սրանք դրել նսեմացնում են ամեն ինչ: 

60 հազարանոց բանակ ենք ունեցել 5 հազարը զոհվել են, ո՞ւր է մեր 55 հազարանոց բանակը: Արցախի տարածքում Պաշտպանության բանակի մասնակցությամբ մարտական գործողություններ են տեղի ունեցել, հայկական բանակը ո՞ւր է: Կա այդ բանակը, ուղղակի գտնվում է անկազմակերպ վիճակում: Այսօր Պապիկյանին նշանակել ես պաշտպանության նախարար, մեկ ամիս է ՀՀ ԶՈւ ղեկավար, տեղակալներ չի նշանակում: Սրանց վռնդելուց հետո մենք նորմալ ղեկավարություն պետք է ունենանք, որը հավաքի ձեռքը, նորմալ հրամանատարական կազմ ունենա, հայկական ոգին բարձրացնի: Կան էդ մարդիկ, 30 տարուց ավելի ծառայում են մեր բանակում, թողել են անտեր ու դուրս վիճակում, հետո էլ ասում են՝ մեր բանակը թույլ է: Դուք եք թույլը:

Չենք ասում՝ գնանք մարտական գործողությունների: Երբ որ դու ոգին բարձրացնում ես, հակակշիռ ես ստեղծում՝ խաղաղությունն այդ ժամանակ է լինում: Երբ դիմացինը տեսնում է, որ դու թույլ, անպաշտպան ես՝ օգտվում է դրանից: Դիմացինը պետք է տեսնի, որ քո մոտ կազմակերպվածություն կա, երկիրը կառավարվում է այլևս: Ճիշտ դիվանագիտություն ունեցի, բարեկամներ, աջակիցներ ունեցի, սա է պատերազմը զսպողը: Այսօր մի դաշնակից ունենք, դրել են դրա դեմ ինչ ասես անում են»:

Բրյուսելի տեղը գիտեիք, թող Բրյուսելը գար ձեր պատերազմը կանգնեցներ

Դիտարկելով իշխանությունների վարած արտաքին քաղաքական հիմնական գիծը՝ Էդգար Ղազարյանն ասաց. «Սահմանադրությամբ արտախորհրդարանական ուժերի համար ձևավորված է Հանրային խորհուրդ, բայց մեկ տարուց ավելի է նրա գործունեությունը դադարեցված է, ո՛չ խորհուրդ կա, ո՛չ խորհրդի նախագահ, ո՛չ նիստեր են անում: Սահմանադրական ձևաչափ է, հանրային կարծիքը լսելու ինստիտուցիոնալ մարմին: Նրանով ոչ մեկը չի զբաղվում, բայց ստեղծել է արտախորհրդարանական մարմին՝ բացառապես հակառուսական ուժերից: Մարդը առավոտը գնում է Երևանում ՌԴ դեսպանության դեմ հակառուսական ակցիա է անում, երեկոյան գալիս վարչապետի հետ քննարկում է ներքին և արտաքին քաղաքականության հարցեր:

Նայեք՝ Ուկրաինայում Ռուսաստանի հատուկ գործողությունների շրջանում Հայաստանի երեք անվտանգային, արտաքին քաղաքականության ուղղության առանցքայի պաշտոնյաների՝ Նիկոլ Փաշինյանի, Արարատ Միրզոյանի և Արմեն Գրիգորյանի հանդիպումների օրակարգերը: Այդ հանդիպումների գերակշիռ մասը հակառուսական է, նույն այս բրյուսելյան հանդիպումը: Բա Լավրովի դիտարկումն ինչումն էր: Ասում էր՝ ինչ փաստաթուղթ կա ստորագրված՝ եռակողմ է և մի կողմը Ռուսաստանն է: Հիմա դուք որտե՞ղ եք գնացել ճակատագրական հարցեր լուծելու: Բրյուսելի տեղը գիտեիք, թող Բրյուսելը գար ձեր պատերազմը կանգնեցներ: Այս մարդիկ մեր ամենամեծ դաշնակիցներին դարձնում են մեր թշնամիները, հանում են մեր դեմ, այն դեպքում, երբ նա բացի դարավոր բարեկամությունից, նաև առանցքային շահեր ունի այս տարածաշրջանում»:

Ավստրիայի վարչապետը հրաժարական էր տվել միայն նրա համար, որ մամուլում իր անվան հետ մի հոդված էր հրապարակվել

ՍԴ աշխատակազմի նախկին ղեկավարը պատասխանեց Ալեն Սիմոնյանի այն հայտարարությանը, ըստ որի՝ գործող իշանություններից շատ Արցախի համար ոչ մի իշխանություն չի արել:

«Իրենց պաշտոնավարման ժամանակ միայն բանակի տեխնիկական կորուստը կազմում է 4 մլրդ դոլար, իսկ քաղաքացիական ենթակառուցվածքներինը՝ 5 մլրդ դոլար, արտաքին պարտքն էլ ավելացել է 5 մլրդ դոլարով: Տնտեսական հաշվարկները, գնաճը մի կողմ դրած, մոտավոր հաշվարկներով այս իշխանությունները մեզ 16 մլրդ դոլարի վնաս են տվել:

Իրենս ասած այն ամեն մի դղյակը 1 մլն դոլար է և 16 միլիարդը բաժանեք դղյակների գնին և պատկերացրեք, թե դղյակներով կառուցված քանի քաղաքաներ են սրանք կորցրել: Լյուքսեմբուրգ են կործանել, սրանք, իրենք եթե չլինեին Հայաստանը կարող էր Լյուքսեմբուրգ լինել: Մեր ժողովրդի պատմության ամենամեծ թալանչիներն են: Նման վնաս, նման թալան մեր ժողովրդի պատմության ընթացքում ոչ ոք չի տվել:

Մեկ օր շուտ պետք է սրանց վռնդել իշխանությունից: Այլապես սրանք իրենց մնալը համարում են ցինիկ լինելու իրավունք և կարող են ցինիզմի դիրքերից ինչ ուզեն ասեն: Նրանք մտածում են, որ եթե այսքան բանը արել են, ուրեմն կան, գոյություն ունեն, պաշտոն են զբաղեցնում: Իսկ Ավստրիայի վարչապետը հրաժարական էր տվել միայն նրա համար, որ մամուլում իր անվան հետ մի հոդված էր հրապարակվել»,- հայտարարեց Ղազարյանը:

Այս իշխանությանը պետք է հաղթահարել ինքնապաշտպանական պայքարով, ինչպես ժամանակին կազմակերպվել է Սասունում, Մուսալեռում

Բանախոսը դիմեց  ՀՀ քաղաքացիներին՝ ասելով. «Երբ մենք մեր պետության, ժողովրդի ամենաբախտորոշ ժամանակահատվածում ենք և երբ ամեն օրը պատասխանատու որոշումներ է ենթադրում, դու թողնես, որ երկիրդ ղեկավարի մի պատահական արկածախնդի՞ր, որն իր հայտարարություններ-գործողություններ համադրությամբ ակնհայտորեն սպասարկում է ադրբեջանաթուրքական շահերը: Հիմա այն անում է գիտակցված, թե, ինչպես իր կողմնակիցներն են ասում, խելքը չի հասնում, կարևոր չէ: Փաստ է, և, եթե գիտակցված է անում, կամ չհասկանալով, միևնույնն է՝ պետք է խափանել այն: Այս իշխանությանը պետք է հաղթահարել ինքնապաշտպանական պայքարով, ինչպես ժամանակին կազմակերպվել է Սասունում, Մուսալեռում»: