Ձեր վստահելի աղբյուրը

«Հայրենիք» կուսակցության անդամ Դավիթ Բաղդասարյանը, արձագանքելով Նիկոլ Փաշինյանի՝ այսօր ԱԺ-ում հնչեցված հայտարարություններին, գրում է.

«Նիկոլի ձեռքով Արցախի հանձնումը մտնում է կուլմինացիոն փուլ։

Այսօր վարչապետի պաշտոնը զբաղեցնող անձն Ազգային ժողովի ամբիոնից հայտարարեց հետևյալը․ միջազգային հանրությունը հստակ ասում է՝ լինել միակ երկիրը, որը չի ճանաչում Թուրքիայի դաշնակից Ադրբեջանի տարածքային ամբողջականությունը մեծ վտանգ է և´ Արցախի, և´ Հայաստանի համար։ Այդ նույն հանրությունը մեզ նաև ասում է, որ իջեցնենք Արցախի կարգավիճակի հարցում մեր նշաձողը։

Ի՞նչ է սա նշանակում։

Եթե խոսենք ավելի հանրամատչելի լեզվով, ապա նիկոլ փաշինյանը և իր վարչախումբը համակերպվել են այն մտքի հետ, որ Արցախը որևէ կարգավիճակով կամ առանց դրա կարող է լինել Ադրբեջանի կազմում։ Այսինքն, անհայրենիքների խունտան որոշել է բառիս բուն իմաստով ամբողջությամբ հանձնել Արցախը։

Հ․ Գ․ Ի դեպ, արձանագրենք, որ այսօր կապիտուլյանտը փաստեց նաև այն, որ արտահերթ խորհրդարանական ընտրությունների ժամանակ հայ ժողովուրդը պարզապես անտրամաբանական որոշման է հանգել (քվեարկելով իր օգտին), որ այդքան անդառնալի կորուստներից հետո ինքը պետք է շարունակի երկրի ղեկավարումը․․․ »։