Ձեր վստահելի աղբյուրը

Հայաստանի հանրապետության հերթական քաղաքներից մեկում՝Վայքում տեղադրվեց Արցախի դրոշը: Նշենք, որ այն Խորհրդարանական ընդդիմության նախաձեռնությունն է։

 «Այսօր կանգնած ենք մի տարածաշրջանում՝ Վայոց Ձորում, որը ինչպես ՀՀ մյուս մարզերը կարողացել է իր ներդրումն ունենալ մեր սահմանների պաշտպանության հարցում։ Կամավորական ստորաբաժանումներով, մարտական թոհ ու բոհի մեջ ազնուրացությամբ կռվել են և կերտվել է  ապագան»,- Վայքում ասաց «Հայաստան» խմբակցության պատգամավոր Սեյրան Օհանյանը։

Պատգամավորը համոզմունք հայտնեց, որ միայն 2020 թվակին արցախյան երկրորդ պատերազմում ունեցած պարտությունով չենք սահմանակվել, պարտությունների շարանը շարունակվում է։ 

«2020 թվականի Նոյեմբերի 9-ին ստորագրված հայտարարությունից հետո շարունակվեց պարտությունների շարանը։ Մեր հակառակորդները հայտնվեցին մեր սահմաններում, ներխուժեցին Սյունիքի, Գեղարքունիքի , նաև մի քանի այլ սահմանային բնակավայրեր։ Այդ ճնշումների շնորհիվ է, որ այսօր ՀՀ իշխանությունները կուրորեն գնում են կեղծ «խաղաղության դարաշրջանի»՝  թուրք-ադրբեջանական խորամանկության, խաբկանքի մեջ»,- ասաց Օհանյանը։

Նրա խոսքով ՝ այսօր ստեղծված իրավիճակն է նաև պատճառներից մեկը, որ հանրապետության տարբեր բնակավայրերում բարձրացնում են Արցախի դրոշն ՝ ի պաշտպանություն Արցախի։

«Իհարկե, միայն դրոշը չէ կարևորը, Արցախը մեր սրտերում է և այն մեր նորօրյա պատմության խորհուրդն է։ Յուրաքանչյուր հայի արյան մեջ է հոսում Արցախի նկատմամբ հարգանքն ու արժանապատվության վեհ զգացումը։ Բայց այսօր եկել է պահը, որ պաշտպանելով Արցախը , պաշտպանում ենք Հայաստանը։ Չկա հայկական լեռնաշխարհի որևիցե հատված,այդ թվում՝ Արցախի, որի պաշտպանությունից կախված չլինի ընդհանուր առմամբ հայ ժողովրդի ապագան ու զարգացումը»,- իր խոսքում նշեց Օհանյանը։

Ավելի մանրամասն՝ տեսանյությում։