Ձեր վստահելի աղբյուրը

«Քաղաքացիական գիտակցություն» ՀԿ նախագահ Նարեկ Սամսոնյանը ֆեյսբուքյան գրառմամբ անդրադարձել է ԱԺ-ում երեկ Նիկոլ Փաշինյանի՝ Արցախի վերաբերյալ հնչեցրած հայտարարություններից հետո ձեռնարկվելիք քայլերին.

«Անձնազոհություն, վճռականություն, հաղթանակ!!

Հայաստանի և Արցախի համար ճակատագրական օրեր են սպասվում ու հիմա՝ հենց հիմա է ժամանակը որոշելու, թե ով, որ ճամբարում է. փողոցներում՝ հանուն արժանապատվության և ազգային ինքնության ճամբարում, թե՞ դավաճանների ու ազգադավների կողքին կամ նրանց լատենտ աջակցողների դերում:

Հայաստանին ու Արցախին այսօր անհրաժեշտ են փողոցում մինչև վերջ կանգնելու պատրաստ, չհուսահատվող և անձնազոհություն ունեցող  առաջնորդներ և մարտիկներ:

Լցվե՛ք համբերությամբ և վճռականությամբ, պատասխանեք վերևի հարցին և պատրաստ եղեք շատ մոտ ապագայում դուրս գալ ձեր տներից, աշխատասենյակներից և համալսարաններից, դուրս գալ՝ միայն հաղթանակից հետո տուն վերադառնալու պայմանով»։