Ձեր վստահելի աղբյուրը

Հնդկական խոշոր Snapdeal ընկերության ղեկավար Կունալ Բահլն ամերիկացի միլիարդատեր Իլոն Մասկին առաջարկել է «Թվիթեր»-ի փոխարեն գնել Շրի Լանկայի արտաքին պարտքը, գրում է ՏԱՍՍ-ը։

«Իլոն Մասկի Twitter-ի առաջարկը կազմում է 43 միլիարդ դոլար, Շրի Լանկայի արտաքին պարտքը կազմում է 45 միլիարդ դոլար: Նա կարող է գնել այն և իրեն անվանել Ցեյլոն Մասկ»,- Բահլի խոսքը մեջբերում է Mint-ը:

Հինգշաբթի օրը Reuters-ը հայտնել է, որ Մասկը, ով վերջերս դարձել է Twitter-ի ամենախոշոր բաժնետերը, որին պատկանում է համանուն սոցիալական ցանցը, առաջարկել է գնել այն 41,39 մլրդ դոլարով (54,2 դոլար մեկ բաժնետոմսի համար)։ Գործակալության տվյալներով՝ տնօրենների խորհուրդը մտադիր է դիտարկել նրա առաջարկը՝ որոշելու գործողությունների ընթացքը, որը, նրանց կարծիքով, լավագույնս կծառայի ընկերության և նրա բաժնետերերի շահերին։