Ձեր վստահելի աղբյուրը

Դիետոլոգ Լիզա Յանգը ներկայացրել է նիհարելու համար ձվով լավագույն ուտեստների հնգյակը, գրում է Eat This, Not That!-ը։

Դիետոլոգն առաջարկել է գարնանը պատրաստել ֆրիտատա՝ ձվով իտալական ուտեստ սեզոնային բանջարեղենով։ Նա խորհուրդ է տալիս դրան ավելացնել ծնեբեկ, սոխ, բուլղարական կարմիր պղպեղ և սպանախ։ Այս մթերքները պարունակում են բջջանյութ և սննդարար նյութեր, որոնք նպաստում են նիհարելուն, տալիս են էներգիա ամբողջ օրվա ընթացքում:

Յանգն առանձին նշում է կարմիր պղպեղով և պանրով պատրաստված ֆրիտատը: «Այն ավելի առողջարար դարձնելու համար ավելի լավ է դրա մեջ չդնել բեկոն կամ այլ մսամթերք: Այս խորհուրդը վերաբերում է նաև ձվով այլ ուտեստներին։ Որքան շատ բանջարեղեն, այնքան լավ: Որքան քիչ վերամշակված միս, այնքան լավ»,- պարզաբանել է սննդաբանը։

Մեկ այլ առողջարար ձվի ուտեստ է սև լոբով ձվածեղը: Յանգի խոսքով՝ այն հարուստ է սպիտակուցներով, ինչը թույլ է տալիս մարդուն երկար ժամանակ քաղց չզգալ։ Իր հերթին, լոբիները հարուստ են մանրաթելերով, որոնք ավելի դանդաղ են մարսվում: Այն պատրաստելու համար Յանգը խորհուրդ է տալիս ձվածեղը լցոնել սև լոբով, լայմի հյութով, չամանով և կծու սոուսով:

Չորրորդ ուտեստը, որին պետք է ուշադրություն դարձնել, ըստ սննդաբանի, բաղկացած է սնկից, ձվից և սպանախից։ Նա խոսքով՝ այն կարելի է եփել ընդամենը 10 րոպեում։ Սննդաբանը նշում է, որ մեկ բաժակ եփած սպանախը պարունակում է չորս գրամ մանրաթել, իսկ սնկի մեջ առկա վիտամին D-ն օգտակար է քաշը վերահսկելու համար: «Սպանախը և սնկերը շատ սննդարար են և ունեն ցածր կալորիականություն», - բացատրել է Յանգը:

Նախաճաշի մեկ այլ թեթև տարբերակի համար սննդաբանը խորհուրդ է տալիս հարել մի քանի ձվի սպիտակուց, վրան լցնել սպանախ, լոլիկ, աղ, սոխ և խառնուրդը լցնել տապակի մեջ։ Ութ րոպեում, ըստ Յանգի, հագեցնող սնունդ կստացվի։