Ձեր վստահելի աղբյուրը

«Հայրենիք» կուսակցության նախագահ, ԱԺ պատգամավոր Արթուր Վանեցյանը  Ազատության հրապարակից համակիրների հետ քայլերթ է իրականացնում։  Նրան են միացել նաև մի խումբ երիտասարդներ։

«Տեսնելով մեր ընկերներին՝   44-օրյա պատերազմի մասնակիցներին, որոնք 44 օր իրենց զոհաբերելով կռվել են թուրքի դեմ, իսկ այսօր էլ՝ կռվում են ներքին թուրքի դեմ։ Մի խումբ երիտասարդներով միացել ենք իրենց աջակցելու և համաձայնություն տալով այն մտքին, որ երիտասարդները ևս պետք է միանան իրենց պայքարին և կանգնեն ոտքի։ Եկել ենք մեր ընկերներին ասելու, որ մենք պատրաստվում ենք պայքարել հանուն նրա, որ երիտասարդները գիտակցեն, որ սա երկրի ապագայի պայքարն է  և համածմբված համաերիտասարադական պայքար իրականացնեն՝ բոլորի ճիշտ հայեցի ապագան ապահովելու համար» ,- ասաց  «Երիտասարդի Ձայնը» քաղաքացիական ակումբի ղեկավար Հովհաննես Հարությունյանը։

Հարցին թե արդյո՞ք պատրաստվում են բողոքի ակցիաներ իրականացնել բուհերում, ինչպես ժամանակին արել է Նիկոլ Փաշինյանը, Հարությունյանն ասաց․ «Մեր և Նիկոլ Փաշինյանի գործողությունները երբեք չի կարող իրար նման, մի շատ պարզ պատճառաբանությամբ՝ Նիկոլ Փաշինյանի 2018թ-ին իրականացրած ողջ գործողությունները հիմնված էին ստի վրա, իսկ մեր գործողությունները հիմնված են լինելու ճշմարտության ու հայեցի ապագա կառուցելու վրա»։ 

Իսկ թե ինչ ակցիաներ են իրականացնելու բուհերում կամ ուսանողների շրջանում, Հարությունյանը պարզապես հայտնեց, որ մի քանի օրից ականատեսը կլինենք։

Ավելի մանրամասն՝ տեսանյութում։