Ձեր վստահելի աղբյուրը

Մարդկանց մեջ  անհոգության աստիճանի անտարբերությունն  է ամենից շատ մեզ զայրացնում ։ Այս մասին ազատության ընթացքում հայտարարեց հացադուլ անող երիտասարդներից Նվեր Կիրակոսյանը։

«Մեզ հաճախ հարցնում են՝ լավ էստեղ հավքավեցին, որն է ձեր պահանջը։ Մենք ասում ենք հստակ՝ Արցախն Ադրբեջանի կազմում մենք չենք պատկերացնում։  Ես չեմ ուզում հավատալ, որ ով այստեղ չի դա պատկերացնում է»։

Կիրակոսյանը երկար ելույթ չունեցավ, նշեց, որ երեկ ավելի լավ էր ելույթ ունենում, իսկ այսօր դժավարանում է։

«Կոչ եմ անում բոլորին գալ այստեղ և իր ասելիքն ասել, որովհետև անկախության սերունդը դեռ իր խոսքը չի ասել և իր անելիքը չի արել։ Մենք պայքարելու ենք այնքան, մինչև հասնենք այդ նպատակին», - ասաց Կիրակոսյանն ու  պարզաբանեց, թե որն  է իրենց պատկերացմամբ մարդկանց կրիտիկական քանակը, որի դեպքում միայն կդադարեցնեն հացադուլը․

«Կրիտիկական զանգվածը դեռ չենք տեսնում, եթե լինի մենք կզգանք դա։ Գուցե այլ գործողությունների դիմենք, բայց քանի դեռ այստեղ չենք տեսնում այդ կրիտիկական զանգվածը, մենք հացադուլը կշարունակենք։ Մեր նպատակն է մարդկանց այստեղ տեսնելը»։

Հացադուլ անող մյուս երիտասարդը՝ Արթուր Ավագյանը հավելեց․

«Արցախյան հերոսամարտը մեզ հնարավորություն տվեց մեզ զգալու իրապես անկախ և իրավունք ունենալու  պահանջել անկախություն։ Մենք վաստակել ենք այդ իրավունքն արցախյան հերոսամարտով և այդ իրավունքը վերահաստատել ենք Քառօրյա պատերազմում և վերջին՝ 44-օրյա պատերազմի դիմադրությամբ։  Արցախյան հերոսամարտն՝ իր ընդհանուր իմասով , մեզ համար բավարար հարստություն է։ Այս հարստությունը փոխել կասկածելի արժեքներով, մենք չենք պատրաստվում։ Ասում ենք, որ Արցախը չի կարող լինել Ադրբեջանի կազմում, քանի որ այդ պարագայում կհրաժարվենք  անկախ լինելու և պետություն ունենալու հարստությունից։ Եվ ընդհանրապես մենք իմաստազրկում ենք բոլոր հերոսներին, որոնց անունով երդվել ենք և ուրանում Եռաբլուրը»։

Ավելի մանրամասն՝ տեսանյութում։