Ձեր վստահելի աղբյուրը

Համախմբման գաղափարով առաջնորդվելով` «5165» շարժման անդամները և հասարակական-քաղական գործիչներն այսօր`ապրիլի 20-ին, Ազատության հրապարակից երթով անցել են Երևանի բուհերով, հանդիպել ուսանողներին, նրանց բաժանել կարմիր ժապավեններ և կոչ արել տեր կանգնել իրենց երկրին, միանալ համախմբմանը։ 

«Ապրիլի 19-ին մեկնարկած կարմիր ժապավեններով երթը միավորելու միտում ունի։ Մասնակիցները կոչ արեցին բոլորին այսուհետ կապել կարմիր ժապավեն` պահանջատեր լինելով իրենց ապագային։ Ամեն ուսումնական հաստատության դիմաց նրանք ներկայացրին այսօր Հայաստանին և Արցախին սպառնացող վտանգները, լուծման ուղին, որն այս պահին մեկն է՝  համախմբում»,- նշված է շարժման ֆեյսբուքյան էջում։

«Ձեր կրթությունը, գիտելիքները, տաղանդը անիմաստ է, եթե դուք չունենաք ձեր հայրենիքը։ Դուք Ադրբեջանի կամ Թուրքիայի դրոշի տակ չեք կարող հանդես գալ: Ինձ պետք չի, որ ինձ միանաք, հիմա ցանկացած մեկը կարող է վերցնել կարմիր ժապավենն ու առաջնորդել: Դարձեք ինքներդ ձեր ճակատագրի պատասխանատուն, միացեք: Սա այն վերջին կետն է, երբ մենք չենք կարող լինել անտարբեր: Հայաստանն ու Արցախը հիմա ճակատագրական ժամանակներ են ապրում, իսկ ՀՀ իշխանության որոշումները չեն բխում մեր շահերից»,- իր ելույթում ասել է ՍԴ աշխատակազմի նախկին ղեկավար, քաղաքական գործիչ Էդգար Ղազարյանը:

Մանրամասն՝ տեսանյութում։