Ձեր վստահելի աղբյուրը

Ազատության հրապարակում ուղիղ միացման տեսախցիկները չեն հանգստանում. Դերասան Հրանտ Թոխատյանը Ազատության հրապարակում կարևորել է բողոքի ակցիային միացողների թվի ավելացումը: 

Հարց-Պարոն Թոխատյան, խնդրում եմ ձեր կարծիքը Անկախության հրապարակի պայքարի վերաբերյալ:

Հ. Թոխատյան-Այն էներգիան, որը տեսնում եմ, ուրախացնում է, բայց եթե անկեղծ լինեմ՝ ես իմ ցանկացած էներգիայի շատ քիչ մասն եմ տեսնում, և կարծում եմ այսօրվա ամենամեծ սխալը դրա մեջ է: Այսօր դա չէ օրակարգում, հիմա երկիրն է, հայրենիքն  է օրակարգում, այ դրա համար էլ ես կարծում եմ, որ այստեղ պետք է լինեն շատ շատերը:

Հարց-Ի՞նչ կասեք մտավորականների ակտիվության մասին, թե՞ պետք չէ նրանց տարանջատել:

Հ. Թոխատյան-Գիտեք, 30 տարի արդեն անցել է և ժամանակն է, որ մենք հասկանանք, որ չունենք մտավորականություն: Կա ինչ-որ մարդկանց շերտ, որը զբաղված են նաև մտավոր աշխատանքով, բայց այն չի նշանակում, որ մենք ունենք մտավորականների շերտը, որը կարող է օրակարգ թելադրել: Ցավոք սրտի՝ նրանց զրկեցին ձայնից, կտրեցին ձայները: Հայրենիքով մտահոգ մարդիկ են այսօր այստեղ՝ անկախ կրթությունից, մասնագիտությունից, ցբաղեցրած պաշտոնից, կամ՝ չպաշտոնից:

Հարց-Չմիանալով բողոքի ակցիային՝ քաղաքացիների այդ հատվածը չի մտածո՞ւմ, որ նպաստում է իշխանությունների զիջողական քաղաքականությանը:

Հ. Թոխատյան-Հասկանալի է, որ մարդիկ դեմ են եղել նախկիններին, բայց հետո պետք է հասկացած լինեին, որ ուրիշ տեղ են գնում: Տեսնեին այն արհավիրքը, որ մեր գլխին բերեցին և մի ամբողջ սերունդ կորցրեցինք, բայց կենդանի մնացած հերոսներն այսօր հրապարակում են ու էլի են գալու ու լցնելու են հրապարակը, քիչ-քիչ մարդիկ սկսում են արթնանալ:

Հարց-Կարգավիճակը իջեցնլու մասին իշխանությունների որդեգրած քաղաքականությունը ո՞ւր կտանի Արցախն ու Հայաստանը:

Հ. Թոխատյան-Եթե մենք տանուլ տանք Արցախը, մենք կորցնում ենք մեր երկիրը, մենք կորցնում ենք մեր «Ես»-ը, դադարում ենք ազգ կոչվելու իրավունքից, անհնար է այն, չպետք է այդպես լինի: Կա պարտված պատերազմ, բայց մի օր պարտվում են, հաջորդ օրը՝ հաղթում: Պետք է հետ վերադարձնենք, աշխատենք, զինվենք, որպեսզի զոհվածները վերևից տեսնեն, թե ինչպես են Եռաբլուրից դրոշներն իր հարազատները, ընկերները տանում և տեղադրում այն հողի վրա, որի համար իրենք կյանք են տվել: