Ձեր վստահելի աղբյուրը

ՀՀ Սահմանադրական դատարանը 2010 թվականի որոշմամբ կարևոր արձանագրում է  արել՝  բոլոր իրավական ակտերը շատ կարևոր են, Սահմանադրությունը  բարձրագույն իրավաբանական  ուժ ունեցող մայր փաստաթուղթն է, բայց  Անկախության հռչակագիրն էլ ավելի բարձր է, քանի որ  Անկախության հռչակագիրը  հենց այն պատգամն է եղել, որ փոխանցվել է հայ հասարակությանը, որոնցից ոչ ոք  չի կարող շեղվել։ «Հայաստան-Թուրքիա հարաբերությունների հայեցակարգային դրույթներ» թեմայով քննարկմանն ասաց «Հայաստան» խմբակցության պատգամավոր, սահմանադրագետ Արամ Վարդևանյանը՝ պատասխանելով հարցին, թե ինչու է պարբերաբար հենց Սահմանադրության, Անկախության հռչակագրի վրա հղում անելիս Հայաստան-Թուրքիա հարաբերությունների մասին խոսելիս։

Նա նշեց, որ այլ կերպ ասած՝ Սահմանադրությունը մի կարմիր գծեր է նախանշում, բայց Անկախության հռչակագիրն էլ ավելի  բարձր նշաձողով կարմիր գծեր է սահմանել։

«Իհարկե, այս իշխանությունների համար որևէ օրենք, օրենսգիրք, Անկախության  հռչակագիր, Սահմանադրություն նշանակություն չունի։ Սա ասում եմ ցավով։ Դրա համար պետք է զարթնենք թմբիրից»,- ասաց Վարդևանյանը։

Ընդդիմադիր պատգամավորի խոսքով, պետք է միավորվել միասնական լինել ու կանխել թուրքացաման, Արցախյան հայաթափման ռիսկերը։

«Խոսվող տարածաշրջանային խաղաղության դարաշրջանն իրականում Հայաստանի հետ առնչություն չունեցող խաղաղության դարաշրջանն է, Թուրքիայի և Ադրբեջանի  խաղաղության, երազելի ապագայի դարաշրջանն է, որը տեղի չի ունենալու, չի լինելու, որովհետև մենք այս հարցում լինելու ենք միասնական»,- ասաց Արամ Վարդևանյանը։